بھارت سے جب بھی بات ہوئی برابری کی بنیاد پر ہوگی‘محسن نقوی

کھلاڑیوں کی سلیکشن میں میرا ایک فیصدبھی کردار نہیں ہے ‘چیئرمین پاکستان کرکٹ بورڈ

ہفتہ 23 اگست 2025 20:25

لاہور (اُردو پوائنٹ اخبارتازہ ترین - این این آئی۔ 23 اگست2025ء) چیئرمین پاکستان کرکٹ بورڈ محسن نقوی نے کہاہے کہ اللہ نے چاہا ہماری ٹیم اچھی پرفارمنس دے گی، توقع ہے کہ کھلاڑی دبئی میں اچھا پرفارم کریں گے ، بھارت سے جب بھی بات ہوئی برابری کی بنیاد پر ہو گی، بھارت سے مذاکرات کی بھیک نہیں مانگیں گے ، جو بھی ہو گا وہ برابری کی بنیاد پر ہوگا۔

(جاری ہے)

تفصیلات کے مطابق محسن نقوی کا کہناتھا کہ ٹیم کی پرفارمنس میں بہتری نظرآئے گی ، کھلاڑیوں کی سلیکشن میں میرا ایک فی صدبھی کردار نہیں ہے ، سلیکشن کمیٹی، ایڈوائرزی باڈی مل کر ٹیم منتخب کرتے ہیں، یہی ہدایت کی ہے کہ میرٹ پر فیصلے کریں ، مجھے سلیکٹرز پر اعتماد ہے کہ وہ اچھی ٹیم سلیکٹ کررہیہیں، کوشش ہے کہ نئے سے نئے کھلاڑی آئیں تاکہ زیادہ مقابلہ ہو، خواتین ٹیم سے سیاست نکلی ہے ،توقع ہے پرفارمنس بہترہوگی، خدا کا واسطہ ہے ٹیم پر تنقید بند کردیں ، ٹورنامنٹ کیدوران ہی کھلاڑیوں پر تنقید شروع ہوجاتی ہے۔