Live Updates

صدرزرداری کابارشویں و سیلابی ریلوں سے جاں بحق افراد کے اہلخانہ سے تعزیت و ہمدردی کا اظہار

جمعرات 28 اگست 2025 13:29

اسلام آباد(اُردو پوائنٹ اخبارتازہ ترین - این این آئی۔ 28 اگست2025ء)صدر آصف علی زرداری نے کہا ہے کہ بارشوں اور سیلابی ریلوں میں جانی و مالی نقصان اٹھانے والے خاندانوں کے ساتھ ہیں، سندھ حکومت ممکنہ بڑے سیلابی ریلے کیلئے فوری تیاری کرے۔

(جاری ہے)

بدھ کوجاری کیے گئے بیان میں بارشویں و سیلابی ریلوں سے جاں بحق افراد کے اہل خانہ سے تعزیت اور ہمدردی کا اظہار کرتے ہوئے صدرآصف علی زرداری نے پنجاب، خیبر پختونخوا، گلگت بلتستان میں سیلاب اور بارشوں سے نقصانات پر اظہارِ افسوس کیا ہے۔

انہوںنے کہاکہ کسانوں کی فصلوں اور مویشیوں کے بڑے پیمانے پر نقصان پر افسوس ہے، آزمائش کی گھڑی میں افواجِ پاکستان نے عوام کی خدمت کی شاندار مثال قائم کی ہے۔صدر مملکت نے کہا کہ یقین ہے کہ پاکستانی قوم مشکلات کا مقابلہ حوصلے اور عزم کے ساتھ کرے گی، 2010 اور 2022 کے سیلابوں کی طرح اس بار بھی قوم سرخرو ہو گی۔