سیاسی بحرانوںکا سیاسی حل تلاش کیا جائے۔ قومی سیاسی قیادت سیاست کوبند گلی سے نکالے،لیاقت بلوچ

کراچی (اُردو پوائنٹ اخبارتازہ ترین - این این آئی۔ 30 اگست2025ء)نائب امیرجماعت اسلامی پاکستان وسابق پارلیمانی لیڈر لیاقت بلوچ نے کہا ہے کہ ابراہیم اکارڈایک دھوکہ ہے،یہ امریکہ وصہیونیت کاپھیلایاہوا جال ہے عالم اسلام اس کا شکار نہ ہو۔بانی پاکستان حضرت قائداعظمؒ نے طے کردیا تھا کہ اسرائیل یورپ کا ناجائزبچہ اس کے وجود کوکسی صورت بھی تسلیم نہیں کرنا چاہیے۔

اسطرح کشمیرپاکستان کہ شہ رگ ہے کشمیرکی آزادی کے بغیر تکمیل پاکستان نا مکمل ہے۔کشمیرپرقابض بھارت کی آبی جارحیت کی وجہ سے پاکستان سیلاب کی صورتحال سے دوچار ہے اب تمام دریائوں کا پانی سندھ کی طرف بڑھ رہا ہے۔وفاق اورصوبے آپس میں میں لڑنے جھگڑنے کی بجائے متاثرین کی امدادوبحالی کے لیے ایکشن پلان تجویزکریں تاکہ ان کے دکھوں کا مداوا ہوسکے۔

(جاری ہے)

عوام کی زندگی اجیرن کرنے والے کچے کے ڈاکوئوں کو پکے کے ڈاکوئوں کی مکمل سرپرستی حاصل ہے۔عوام پوچھتے ہیں کہ پولیس حکومت اورادارے کیا کر رہے ہیں حکومت اورادارے عوام کی جان ومال کے تحفظ اورڈاکوراج کے خاتمے لیے اقدامات کریں۔ان خیالات کا اظہار انہوں نے شکارپور ،سکھر، لکھی غلام شاہ،سمدئجی میں غزہ کانفرنس سے خطاب میڈیا سے بات چیت کے دوران کیا۔

مرکزی رہنما نے پیماپاکستان کے سابق صدرڈاکٹرعبدالعزیز میمن کے استقبالیہ میں شرکت، سابق امیرسکھرحفیظ شیخ کی عیادت اورضلع شکارپور کے رہنما عبدالوحیدکٹبرکی اہلیہ کی وفات پرسلطان کوٹ پہنچ کرتعزیت مرحومہ کی مغفرت اوردرجات بلندی کی دعا بھی کی۔وہ سندھ کے دورروزہ دورے کے بعدسکھرسے واپس لاہور روانہ ہوگئے۔ لیاقت بلوچ نے میڈیا کے نمائندوں سے بات چیت کرتے ہوئے کہاکہ اس وقت ملک میں سیاسی بحران ایک بہت ہی شدت اختیارکرگیا ہے ۔

انہوں نے کہاکہ اس وقت انتخابات ہائی جیک ہوگیا ہے،پارلیمنٹ بے سود،وفاقی وصوبائی حکومتیںہیں مگروہ چوری کے مینڈیٹ کے زریعے اقتدارپرمسلط ہیں۔ان کی سیاسی کمزوریوں کی وجہ سے ہائبرڈ نظام اوررفوجی بالادستی قائم ہے۔26ویں ترمیم کے ذریعے پارلیمنٹ کا سرقلم کردیا گیا ہے ،عدلیہ کو بے روح کرکے اس کی کمرتوڑکررکھ دی گئی ہے۔پاکستان کے عدل وقانون کا نظام تباہی وبربادی سے دوچار ہے اسلامی قانون وتہذیب کو بے اثرکیا جارہا ہے۔اس موقع پرجماعت اسلامی سندھ کے نائب امیرحافظ نصراللہ چنا،ڈپٹی جنرل سیکرٹری علامہ حزب اللہ جکھرو،عبدالسمیع بھٹی ،عبدالرحمان منگریو،رضاء اللہ گھمرو،زبیرحفیظ شیخ ودیگر مقامی رہنما بھی ساتھ موجود تھے۔