Live Updates

پاک فضائیہ نے 1965ء کی جنگ میں بہادری اور شجاعت کی اعلیٰ تاریخ رقم کی ‘ سلمان رفیق

صوبائی وزیر صحت و ایمرجنسی سروسز پنجاب خواجہ سلمان رفیق کا یوم فضائیہ کے موقع پر خصوصی پیغام

اتوار 7 ستمبر 2025 14:05

لاہور(اُردو پوائنٹ اخبارتازہ ترین - این این آئی۔ 07 ستمبر2025ء)صوبائی وزیر صحت و ایمرجنسی سروسز پنجاب خواجہ سلمان رفیق نے یوم فضائیہ پر اپنے خصوصی پیغام میں کہاہے کہ پاک فضائیہ نے 1965ء کی جنگ میں بہادری اور شجاعت کی اعلیٰ تاریخ رقم کی تھی-دشمن کی جانب سے رات کی تاریکی میں وطنِ عزیز پر حملہ کرنے پر پاکستان فضائیہ نے دشمن کے ناپاک عزائم کو خاک میں ملا دیا-ہمارے بہادر ہوا بازوں نے اپنی جانوں کی پرواہ کئے بغیر دشمن کے جہازوں اور فضائی اڈوں کو تباہ کیا تھا-اسکواڈرن لیڈر ایم ایم عالم نے محض ایک ہی منٹ میں پانچ بھارتی جہاز گرا کر تاریخ رقم کی-یہ کارنامہ آج بھی دنیا کی فضائی جنگوں میں سنہری باب کی حیثیت رکھتا ہے، خواجہ سلمان رفیق نے کہاکہ پاکستان ایئر فورس صرف جنگی محاذ پر ہی نہیں بلکہ امن کے دنوں میں بھی ملک کی حفاظت اور ترقی میں اہم کردار ادا کرتی ہی- زلزلے اور سیلاب جیسی قدرتی آفات میں امدادی کارروائیوں، ملک کی سرحدوں کی حفاظت اور عالمی امن مشنز میں پاک فضائیہ ہمیشہ پیش پیش رہی ہی-حالیہ پاک بھارت کشیدگی میں پاک فضائیہ نے دشمن کو ناکوں چنے چبوائے ہیں-وزیر اعظم پاکستان میاں محمد شہباز شریف اور پاک فوج کی قیادت میں پاکستانی عوام نے دشمن کو تاریخی شکست دی اور یکجہتی کا پیغام دیا-