Live Updates

قائم مقام صدر کا پنجاب میں حالیہ سیلابی تباہ کاریوں پر اظہار افسوس

جمعہ 12 ستمبر 2025 17:06

اسلام آبا د(اُردو پوائنٹ اخبارتازہ ترین - این این آئی۔ 12 ستمبر2025ء)قائم مقام صدر سید یوسف رضا گیلانی نے پنجاب میں حالیہ سیلابی تباہ کاریوں پر گہرے دکھ اور افسوس کا اظہار کرتے ہوئے کہا ہے کہ یہ تباہ کاریاں بھارتی آبی جارحیت کا نتیجہ ہیں۔سینیٹ سیکرٹریٹ سے جاری بیان میں انہوں نے متاثرہ خاندانوں سے دلی ہمدردی اور یکجہتی کا اظہار کیا اور جانی و مالی نقصانات پر افسوس ظاہر کیا۔

قائم مقام صدر پاکستان نے کہا کہ سیلاب سے ہزاروں دیہات زیر آب آگئے ہیں اور عوام شدید مشکلات کا شکار ہیں۔ انہوں نے ملتان اور گردونواح میں سیلابی صورتحال کو تشویشناک قرار دیتے ہوئے خبردار کیا کہ وبائی امراض کے پھیلنے کا خطرہ ہے۔قائم مقام صدر نے ہدایت کی کہ عوام کو بیماریوں سے بچانے کے لیے فوری طبی امداد فراہم کی جائے اور میڈیکل ٹیموں کی متاثرہ علاقوں تک بروقت رسائی یقینی بنائی جائے۔

(جاری ہے)

انہوں نے غذائی اجناس، صاف پانی اور دیگر ریلیف اشیائ کی فراہمی میں بھی تیزی لانے کی ضرورت پر زور دیا۔انہوں نے کہا کہ عوام کو مزید نقصانات سے بچانے کے لیے ریلیف آپریشنز میں بہتری لائی جائے اور وفاقی و صوبائی ادارے متاثرین کی مشکلات کم کرنے کے لیے موثر اقدامات کریں۔قائم مقام صدر نے عزم ظاہر کیا کہ حکومت تمام وسائل بروئے کار لا کر متاثرہ عوام کی بھرپور مدد کرے گی اور انہیں مشکل وقت میں تنہا نہیں چھوڑا جائے گا۔