جنگی شکست کا بدلہ بھارت کرکٹ کے میدان میں لینے کا سنگین اور اخلاقی جرم کررہا ہے، ڈاکٹرعشرت العباد خان

کراچی(اُردو پوائنٹ اخبارتازہ ترین - این این آئی۔ 16 ستمبر2025ء)سابق گورنر سندھ روح رواں ایم پی پی ڈاکٹر عشرت العباد خان نے کہا ہے کہ جنگی شکست کا بدلہ بھارت کرکٹ کے میدان میں لینے کا سنگین اور اخلاقی جرم کر رہا ہے۔ بھارت فتنہ بازی سے باز آجائے ہماری فورسز روزانہ فتنہ الخوارج ہندوستان کا قلع قمع کر رہی ہے۔ انہوں نے کہا کہ سیاست دان قومی سلامتی کو فوقیت دیں۔

ملک میں سیلاب نے تباہی مچادی۔ اولین ترجیح سیلاب زدگان کی مشکلات دور کرنا نصب العین ہونا چاہئے۔ گڈ گورننس کے بغیر مشکلات کا سامنا نہیں کیا جا سکتا۔ روایت چل پڑی ہے کہ تنقید کرو اور جواب میں ایک دوسرے کی عزت اچھالو۔بھارت کا مکروہ چہرہ سامنے آگیا۔ آئی سی سی نے پاکستان کا مطالبہ نہ مانا تو کھیل بھی سیاست اور ہندو توا نظریات کا حامل ہوجائے گا۔

(جاری ہے)

دوحہ اجلاس اسلامی ممالک کی اچھی کاوش ہے۔ پاکستان میں منفی سیاست اور سوشل میڈیا مہم سازی ختم کرنے کے لئے قومی یکجہتی کی ضرورت ہے۔ کراچی کے میئر کو عوام کی خدمت پر توجہ دینی چاہئے۔ اپنی کوتاہیوں کو منافقت اور گفتگو کے جال میں پھنسانے کے بجائے کراچی کے سچے بیٹے بنیں۔ وفاق، صوبہ اور لوکل گورنمنٹ ملکر کام کریں۔ گورنر کی حیثیت سے یہ کام اگر میں کرسکتا ہوں تو اب کیوں نہیں ناکام بلدیاتی قیادت ابھی تک تھڈو ڈیم، گلشن اقبال، لٹھ ڈیم، جمال پل سے صفورا تک، سماما، شہر کے بیشتر علاقے گھٹنوں گھٹنوں پانی کی زد میں ہیں۔

ڈاکٹر عشرت نے کہا کہ سیاست کو خدمت سمجھ کر کیا جائے، میرے ساتھی کھڈے بھر کر نا ہموار راستوں کو قابل استعمال بنا رہے ہیں۔ میئر روزانہ پریس کانفرنس کرتے ہیں۔اپر سندھ اور دادو گاج سمیت مورو، گڈو بیراج، کوٹری بیراج بھی سخت خطرات ہیں۔تمام سیاسی جماعتوں کو ملکر مشکل حالات سے نکالنا ہے۔میری پہچان پاکستان ایک تحریک ہے اور ہم ملک میں نئی سوچ کے ساتھ نا امیدی اور ملک کو عظیم مملکت بنانے کے لئے بھرپور کردار ادا کر رہے ہیں۔

جو ہماری جدوجہد کا حصہ ہے کل پاکستان کی سب سے بڑی طاقت ہوگا۔ ہم افواج پاکستان اور عوام کے درمیان پل ہیں۔ فوج ہے تو پاکستان ہے اور پاکستان ہے تو فوج ہے۔ بھارت کے ہر عزم کو ناکام بنائیں گے۔ پاکستان کی سیاسی تاریخ میں ہم ایک نیا ریکارڈ قائم کریں گے۔ امن اور محبت ہمارا نصب العین ہے۔ تمام ساتھی تیار رہیں۔ میری پہچان پاکستان ملک میں انقلاب کی آواز بنے گی۔