Live Updates

سعودیہ کے بعد کئی ممالک پاکستان کے ساتھ دفاعی معاہدہ کرنا چاہتے ہیں. اسحاق ڈار

پاکستان نے معرکہ حق میں خود کو دفاعی طور پر ثابت کردیا، اب معاشی طاقت بننے کا وقت ہے.وزیرخارجہ کی صحافیوں سے گفتگو

میاں محمد ندیم پیر 29 ستمبر 2025 14:24

سعودیہ کے بعد کئی ممالک پاکستان کے ساتھ دفاعی معاہدہ کرنا چاہتے ہیں. ..

لندن(اردوپوائنٹ اخبارتازہ ترین-انٹرنیشنل پریس ایجنسی۔29 ستمبر ۔2025 )وزیر خارجہ سینیٹر اسحاق ڈار نے کہا ہے کہ کئی دیگر ممالک پاکستان کے ساتھ دفاعی معاہدہ کرنا چاہتے ہیں،پاکستان نے معرکہ حق میں خود کو دفاعی طور پر ثابت کردیا، اب معاشی طاقت بننے کا وقت ہے، سابق وزیراعظم عمران خان کے مقدمات سے ہمارا کوئی تعلق نہیں.

(جاری ہے)

ان خیالات کا اظہار انہوںنے لندن میں پاکستانی ہائی کمیشن کے باہر گفتگو کرتے ہوئے کیا اسحاق ڈار نے کہا کہ پاکستان اور سعودی عرب کے معاہدے میں دونوں ملکوں کا فائدہ ہے، کسی ملک کو اس معاہدے پر تحفظات نہیں بلکہ کئی دیگر ممالک بھی پاکستان کے ساتھ اس طرح کے معاہدے کرنا چاہتے ہیں. انہوں نے کہا کہ معرکہ حق میں پاکستان نے اپنی دفاعی صلاحیت ثابت کر دی ہے اور اب وقت آ گیا ہے کہ ملک معاشی میدان میں بھی دنیا میں اپنی جگہ بنائے اور اقتصادی طاقت بن کر ابھرے پاکستان نے عالمی سطح پر یہ پیغام دیا ہے کہ وہ نہ صرف اپنی سرحدوں کے دفاع کی بھرپور صلاحیت رکھتا ہے بلکہ علاقائی امن کے فروغ میں بھی اہم کردار ادا کر سکتا ہے ایک سوال کے جواب میں اسحاق ڈار نے کہا کہ عمران خان کے مقدمات سے ہمارا کوئی تعلق نہیں.