ایم کیو ایم کے وفد کی وزیر منصوبہ بندی احسن اقبال سے ملاقات،پی آئی ڈی سی ایل کے تحت کراچی میں کام شروع کروانے کی یقین دہانی

بدھ 1 اکتوبر 2025 20:00

اسلام آباد (اُردو پوائنٹ اخبارتازہ ترین - این این آئی۔ 01 اکتوبر2025ء)متحدہ قومی موومنٹ پاکستان کے وفد نے وفاقی وزیر منصوبہ بندی احسن اقبال سے اسلام آباد میں ملاقات کی۔ ذرائع کے مطابق ایم کیو ایم وفد کی سربراہی چیئرمین ایم کیو ایم خالد مقبول صدیقی نے کی۔

(جاری ہے)

وفد میں سینئر رہنماء سید امین الحق اور جاوید حنیف شامل تھے۔ ذرائع کے مطابق احسن اقبال نے پی آئی ڈی سی ایل کے تحت کراچی میں کام شروع کروانے کی یقین دہانی کرائی۔ ذرائع کے مطابق ایم کیو ایم وفد وزیراعظم شہباز شریف کی وطن واپسی پر ان سے بھی ملاقات کرے گا۔ ذرائع کے مطابق وزیراعظم سے ملاقات میں حکومتی اتحاد سے متعلق اپنے تحفظات سے آگاہ کیا جائے گا۔