اساتذہ حقیقی معنوں میں قوم کے معمار ہیں، چیئرمین پیپلزپارٹی بلاول بھٹو زرداری کا ورلڈ ٹیچرز ڈے کے موقع پر پیغام

اتوار 5 اکتوبر 2025 12:50

اسلام آباد (اُردو پوائنٹ اخبارتازہ ترین - اے پی پی۔ 05 اکتوبر2025ء) پاکستان پیپلز پارٹی کے چیئرمین بلاول بھٹو زرداری نے پاکستان سمیت دنیا بھر کے اساتذہ کو خراجِ تحسین پیش کرتے ہوئے کہا ہے کہ اساتذہ ہی حقیقی معنوں میں قوم کے معمار ہیں، جو علم، اقدار اور اُمید کے علمبردار ہوتے ہیں۔ اتوار کو ورلڈ ٹیچرز ڈے کے موقع پر اپنے پیغام میں بلاول بھٹو زرداری نے کہا کہ اساتذہ صرف پڑھانے والے نہیں بلکہ وہ رہنما، سرپرست اور ہمارے اجتماعی مستقبل کے خاموش معمار ہیں۔

انہوں نے کہا کہ میں تمام اساتذہ کی محنت، صبر اور بے لوث خدمت کو سلام پیش کرتا ہوں، پیپلز پارٹی ملک بھر کے ٹیچرز کے ساتھ کھڑی ہے جن کے بغیر ایک روشن پاکستان کا تصور ممکن نہیں۔ بلاول بھٹو زرداری نے کہا کہ پیپلز پارٹی کا یہ کامل یقین ہے کہ تعلیم جہالت اور عدم مساوات کے خلاف سب سے مؤثر ہتھیار ہے، قائدِ عوام شہید ذوالفقارعلی بھٹو نے پاکستان کے جدید تعلیمی نظام کی بنیاد رکھی، شہید بینظیر بھٹو نے قائدِ عوام بھٹو شہید کے وژن کو آگے بڑھایا، بی بی شہید نے بچیوں اور محروم طبقات کے لیے تعلیم تک رسائی کو خاص طور پر وسیع کیا۔

(جاری ہے)

انہوں نے کہا کہ جب بھی پیپلز پارٹی کی حکومت بنی تو ریکارڈ گواہ ہے کہ ہم نے سب سے زیادہ سکول قائم کیے، پیپلز پارٹی کی حکومتوں نے سب سے زیادہ یونیورسٹیاں قائم کیں اور تعلیم کے شعبے میں سرمایہ کاری کی، یہ ہمارا یقین ہے کہ ملک کی اصل اور پائیدار ترقی کی بنیاد کلاس روم سے پڑتی ہے۔ بلاول بھٹو زرداری نے کہا کہ یہ کلاس روم ہی ہیں جہاں مضبوط تعلیمی نظام، بااختیار اساتذہ اور تعلیم یافتہ نوجوان مستقبل کا راستہ روشن کرتے ہیں۔ انہوں نے کہا کہ