اسلام آباد (اُردو پوائنٹ اخبارتازہ ترین - اے پی پی۔ 14 اکتوبر2025ء) نیشنل انسٹیٹیوٹ آف پبلک ایڈمنسٹریٹریشن
پشاور کے38ویں سینئر مینجمنٹ کورس کے فیکلٹی ممبران و زیر تربیت افسران نے منگل کے روز
سی ڈی اے ہیڈکوارٹرز کا دورہ کیا۔ چیئرمین کیپیٹل ڈویلپمنٹ اتھارٹی
(سی ڈی اے) و چیف کمشنر
اسلام آباد محمد علی رندھاوا،
سی ڈی اے بورڈ ممبران،
سی ڈی اے اور آئی سی ٹی کے افسران نے 38ویں ایس ایم سی افسران کا
سی ڈی اے ہیڈکوارٹرز میں خیر مقدم کیا۔
چیئرمین
سی ڈی اے محمد علی رندھاوا نے کہا کہ سی ڈی اے
اسلام آباد شہر کے مسائل کو حل کرنے اور اسکو
دنیا کا خوبصورت اور مثالی شہر بنانے کیلئے دن رات مصروف عمل ہے۔ انہوں نے کہا کہ ادارے کو درپیش چیلنجز سے نمٹنے کیلئے قانون کے مطابق پالیسیز پر من و عن عمل پیرا ہونے کے ساتھ کئی نئے اقدامات کر رہا ہے۔
(جاری ہے)
انہوں نے کہا کہ شہری مسائل و چیلنجر سے نمٹنے کیلئے تمام وسائل بروئے کار لائے جارہے ہیں۔
چیئرمین
سی ڈی اے نے کہا کہ غیر قانونی تعمیرات و تجاوزات کے مسئلے کو مستقل بنیادوں پر حل کرنے کیلئے جدید
ٹیکنالوجی کو استعمال میں لاتے ہوئے سپارکو سے
سیٹلائٹ امیجز حاصل کی جارہی ہیں۔ انہوں نے کہا کہ
سی ڈی اے کمرشل پلاٹس کی نیلامی کے علاوہ دیگر ذرائع سے آمدن میں اضافے کیلئے جوائنٹ وینچرز اور پبلک پرائیویٹ پارٹنرشپ کے تحت مختلف منصوبوں پر کام کررہا ہے۔
چیئرمین
سی ڈی اے نے کہا کہ
سی ڈی اے، ایم سی آئی اور آئی سی ٹی ملکر ون یونٹ کے طور پر کام کریں۔ انہوں نے کہا کہ
اسلام آباد میں رہائشی ضروریات کو پورا کرنے کیلئے عرصہ دراز کے بعد نئے سیکٹرز لانچ کئے جارہے ہیں۔ انہوں نے کہا کہ
اسلام آباد کو مزید سر سبز و شاداب بنانے کے سلسلے میں گرین بیلٹس کی حفاظت اور اسکے گرین کور میں اضافہ کیا جارہا ہے ۔
اسلام آباد کی مرکزی شاہراہوں کو مزید خوبصورت بنانے کیلئے مستقل بنیادوں پر جدید ایل ای ڈی لائٹس اور ڈیجیٹل سٹریمرز بھی نصب کئے جا چکے ہیں۔چیئرمین
سی ڈی اے نے کہا کہ شہریوں کو بہتر سے بہترین سہولیات کی فراہمی کو یقینی بنایا جا رہا ہے اور اس سلسلے میں شہریوں کی شکایات اور مسائل کے حل کیلئے اوپن ڈور پالیسی پر عمل پیرا ہیں۔ممبر پلاننگ و ڈیزائن
ڈاکٹر خالد حفیظ نے ایس ایم سی کے شرکاء کو
سی ڈی اے کے انتظامی ڈھانچہ، فنکشنز اور آپریشنز سے متعلق بریفنگ دیتے ہوئے بتایا کہ دارالحکومت
اسلام آباد کی تعمیر ماسٹر پلان کے مطابق کی گئی ہے جسکو پانچ مختلف زونز میں تقسیم کیا گیا ہے۔
شرکاء کو دارالحکومت
اسلام آباد میں زوننگ ریگولیشنز کے نفاذ اور شہری منصوبہ بندی کے بارے میں تفصیل سے آگاہ کیا گیا۔ممبر پلاننگ نے بریفنگ دیتے ہوئے بتایا گیا کہ
اسلام آباد میں
پانی و سیوریج کے مسائل کو حل کرنے کے لئے اسلام واٹر کا قیام عمل میں لایا گیا ہے۔ شرکاء کو بتایا گیا کہ اسلام میں موجودہ آبی وسائل کے بہتر انتظامات اور مستقبل میں
پانی کی فراہمی کیلئے مختلف منصوبوں کا آغاز کیا جارہا ہے۔
بریفنگ میں
اسلام آباد کے ٹرانسپورٹ سسٹم کے بارے میں بھی تفصیلات شیئر کی گئیں۔ شرکاء کو بتایا گیا کہ شہر بھر میں ٹرانسپورٹ نیٹ ورک میں 4
میٹرو بس روٹس اور 160 الیکٹرک بس پر مشتمل فیڈر روٹس شامل ہیں۔ اسی طرح
اسلام آباد کے ٹرانزٹ نیٹ ورک اور بس سٹیشنز کی معلومات کو
گوگل میپ اور
کرایہ کی ادائیگی کیو آر کوڈ اور ڈیجیٹل پیمنٹ کی سہولیات متعارف کرائی جاچکی ہیں۔
ایس ایم سی کے شرکاء کو آئی سی ٹی کے تحت کام کرنے والے مختلف اداروں کی کارکردگی کے حوالے سے بھی بریفنگ دی گئی۔ شرکاء کو لینڈ
ریکارڈ ڈیجیٹلائزیشن ،
اسلام آباد ماڈل
جیل، کمیونٹی سینٹرز سمیت دیگر منصوبوں پر ہونے والی پیشرفت پر بریفنگ دی گئی۔بریفنگ کے اختتام پر نیشنل انسٹیٹیوٹ آف پبلک ایڈمنسٹریشن کے فیکلٹی ممبر اور چیئرمین
سی ڈی اے کے مابین یادگاریں شیلڈز کا تبادلہ ہوا ۔ گروپ فوٹو کے ساتھ کورس کے شرکاء کیلئے گریڈ 19 سے گریڈ 20 میں ترقی کیلئے نیک تمناؤں کا اظہار کیا گیا اور امید ظاہر کی کہ تمام شرکاء
پاکستان کی تعمیر و ترقی میں اپنا بھرپور کردار ادا کریں گے۔
