Live Updates

ایران کا آبنائے ہرمز اور بحیرہ عرب کے قریب سمندری حدود میں نئے قواعد نافذ کرنے کا اعلان

ایران کی امریکا کو حملے روکنے کی ضمانت اور محاصرہ ختم کرنے کے بدلے آبنائے ہرمز کھولنے کی پیشکش کی ، امریکی جریدہ

میاں محمد ندیم ہفتہ 2 مئی 2026 17:45

ایران کا آبنائے ہرمز اور بحیرہ عرب کے قریب سمندری حدود میں نئے قواعد ..

واشنگٹن(اردوپوائنٹ اخبارتازہ ترین-انٹرنیشنل پریس ایجنسی۔02 مئی ۔2026 ) ایران نے نئی تجاویز میں امریکا کو حملے روکنے کی ضمانت اور محاصرہ ختم کرنے کے بدلے آبنائے ہرمز کھولنے کی پیشکش کی ہے امریکی جریدے وال اسٹریٹ جرنل کی رپورٹ کے مطابق تجاویز میں ایران کا کہناہے کہ جوہری پروگرام پربات چیت بعد میں، پہلے پابندیوں میں نرمی چاہتے ہیں، امریکا نئی پیشکش پر کھلے ذہن کے ساتھ آئے تو اسی ہفتے مذاکرات کیلئے تیارہیں.

ایرانی وزیرخارجہ عباس عراقچی نے کہا ہے کہ امریکا کو دھمکی آمیز لہجہ اور توسیع پسندانہ رویہ بدلنا ہوگا،جنگ خاتمے کی نئی تجاویز پاکستان کے ذریعے دیں ہیں .

(جاری ہے)

واضح رہے کہ ایرانی وزیر خارجہ عباس عراقچی وفد کے ہمراہ 24 اپریل کو دو روزہ دورے پر پاکستان پہنچے تھے جہاں مختلف امور پر تبادلہ خیال کیا گیا عباس عراقچی پاکستان کا دورہ مکمل کرنے کے بعد عمان گئے اور قیادت سے ملاقاتیں کیں،اس کے بعد ایرانی وزیر خارجہ روس کے دورے پر گئے ہیں جہاں انہوں نے روسی صدر سے بھی ملاقات کی 24 اپریل کو ایرانی وفد کے پاکستان سے جانے کے بعد امریکی صدر ٹرمپ نے بھی امریکی وفد کے دورے کی منسوخی کا اعلان کیا اور کہا کہ جو بھی مذاکرات ہوں گے وہ فون پر ہو سکتے ہیں.

دوسری جانب ایران نے آبنائے ہرمز اور بحیرہ عرب کے قریب سمندری حدود میں نئے قواعد نافذ کرنے کا اعلان کر دیا ہے ایرانی میڈیا کے مطابق ایرانی پاسداران انقلاب کے نیوی کمانڈر نے کہا ہے کہ اقدام کا مقصد ان علاقوں کو سکیورٹی اور خوشحالی کا مرکز بنایا جاسکے، ایران کے ساحلی پانیوں میں نگرانی اور کنٹرول کو مزید سخت کیا جائے گا. انہوں نے کہاکہ خلیج اور آبنائے ہرمز میں دو ہزار کلومیٹرطویل ایرانی ساحلی پٹی پر موثر کنٹرول قائم کیا جائے گا، سمندری راستوں کو دیگر ممالک کیلئے امن اور معاشی خوشحالی کا ذریعہ بنایا جائے گا.