Live Updates

ایران کو بتادیا سعودی عرب کیلئے جان حاضر ہے، اسحاق ڈار

سعودی عرب سمیت تمام مسلم ممالک سے اچھے تعلقات چاہتے ہیں، معرکہ حق میں اللہ نے پاکستان کو سرخرو کیا، کوئی میلی آنکھ سے نہیں دیکھ سکتا، پیغام اسلام کانفرنس سے خطاب

بدھ 6 مئی 2026 22:15

ایران کو بتادیا سعودی عرب کیلئے جان حاضر ہے، اسحاق ڈار

اسلام آباد (اُردو پوائنٹ اخبارتازہ ترین - این این آئی۔ 06 مئی2026ء) نائب وزیراعظم، وزیر خارجہ سینیٹر اسحاق ڈار نے کہا ہے کہ ایران پر واضح کردیا تھا کہ سعودی عرب کیلئے پاکستانیوں کی جان بھی حاضر ہے۔بین الاقوامی پیغام اسلام کانفرنس سے خطاب میں اسحاق ڈار نے کہا کہ ایران پر اسرائیل حملے کرتا تھا، جواب میں ایران مسلم ممالک پر حملے کر رہا تھا، وہ کہتے یہ تھے کہ امریکی اڈے ان کا ہدف ہیں۔

انہوں نے کہا کہ پاکستان نے کوشش کی کہ یہ سب بند ہو، ساتھ ایران کو یہ بھی باور کروایا کہ سعودی عرب کے لیے پاکستانیوں کی جان بھی حاضر ہے۔نائب وزیراعظم نے کہا کہ فریقین کو باور کرایا کہ پاکستان کیلئے سعودی عرب نو گو ایریا ہے، کوئی اس کی طرف میلی آنکھ سے نہ دیکھے، پاکستان اور سعودی عرب کا دفاعی معاہدہ اہم سنگِ میل ہے۔

(جاری ہے)

اسحاق ڈار نے کہا کہ ایران پر حملہ ہوا تو پاکستان نے بھرپور کردار ادا کیا، فریقین میں سیز فائر کروایا۔

انہوں نے کہا کہ اب کوشش یہ ہے کہ امریکا اور ایران کے درمیان سیزفائر مستقل جنگ بندی پر ختم ہو، امت کے مفادات کا تحفظ پاکستان کی ترجیح ہے۔ انہوں نے کہا کہ نائب وزیراعظم نے کہا کہ سعودی عرب سمیت تمام مسلم ممالک سے اچھے تعلقات چاہتے ہیں، معرکہ حق میں اللہ تعالی نے پاکستان کو سرخرو کیا، پاکستان کو کوئی میلی آنکھ سے نہیں دیکھ سکتا۔