Live Updates

ہم امریکا و ایران کو 47 سال کے بعد مذاکرات کی میز پر لائے،اسحاق ڈار

پاکستان کی ثالثی میں امریکا ایران کے درمیان اسلام آباد میں 21 گھنٹے مذاکرات ہوئے، وزیر خارجہ

بدھ 6 مئی 2026 21:05

ہم امریکا و ایران کو 47 سال کے بعد مذاکرات کی میز پر لائے،اسحاق ڈار

اسلام آباد (اُردو پوائنٹ اخبارتازہ ترین - این این آئی۔ 06 مئی2026ء) نائب وزیرِ اعظم اسحاق ڈار نے کہا ہے کہ ہم امریکا اور ایران کو 47 سال کے بعد مذاکرات کی میز پر لائے۔ پاکستان علما کونسل کے زیرِ اہتمام چھٹی بین الاقوامی پیغام اسلام کانفرنس سے خطاب کرتے ہوئے انہوں نے کہا کہ ہم نے امریکا ایران سے کہا کہ آپ ساتھ بیٹھیں، ہم سے کہا گیا کہ آپ بھی ہمارے ساتھ بیٹھیں۔

(جاری ہے)

اسحاق ڈار نے کہا کہ ایران کہتا تھا کہ امریکا اور ایران کے درمیان اس سے پہلے بالواسطہ مذاکرات ہوتے رہے، پاکستان کی ثالثی میں امریکا ایران کے درمیان اسلام آباد میں 21 گھنٹے مذاکرات ہوئے۔انہوں نے کہا کہ حرمین شریفین کی پاسداری کے لیے ہماری جان بھی حاضر ہے، پاکستان اور سعودی عرب کے درمیان دفاعی معاہدہ اہم سنگ میل ہے۔انہوںنے کہاکہ بھارت پہلگام واقعے کا بے بنیاد الزام لگا کر پاکستان پر حملہ آور ہوا، پاکستانی قوم نے معرکہ حق میں مثالی اتحاد کا مظاہرہ کیا۔انہوں نے کہا کہ جنگ بندی کے نتیجے میں فلسطین میں خونریزی رکی نہیں تو اس میں کمی ضرور آئی ہے۔