آزاد کشمیر انتخابات،نون لیگ کا جہلم سے مہاجرین کی نشستوں پر بھرپور الیکشن مہم چلانے کا اعلان

پارٹی صدر نواز شریف کی ہدایات کی روشنی میں الیکشن مہم بھرپور انداز میں چلائیں گے،مسلم لیگ ن کشمیر کاز کی مضبوطی اور کشمیریوں کی ترقی کی ضمانت ہے. وزیر مملکت بلال اظہر کیانی

میاں محمد ندیم اتوار 5 جولائی 2026 17:30

آزاد کشمیر انتخابات،نون لیگ کا جہلم سے مہاجرین کی نشستوں پر بھرپور ..

جہلم(اردوپوائنٹ اخبارتازہ ترین-انٹرنیشنل پریس ایجنسی۔05 جولائی ۔2026 ) آزاد کشمیر کی قانون ساز اسمبلی کے انتخابات کےلئے پاکستان مسلم لیگ ن نے مہاجرین کی نشستوں کےلئے بھرپور الیکشن مہم چلانے کا فیصلہ کیا ہے وزیر مملکت برائے خزانہ و ریلوے بلال اظہر کیانی کی جہلم کے علاقے بدلوٹ میں آبائی رہائش گاہ پر الیکشن مہم کے حوالے سے اجلاس ہوا جس میں سینئر پارلیمنٹیرین طاہرہ اورنگزیب، مسلم لیگ ن ضلع راولپنڈی کے صدر اور رکن قومی اسمبلی ملک ابرار، سابق مئیر راولپنڈی سردار نسیم خان اور جہلم سے پارٹی کے مرکزی رہنما بھی شریک ہوئے.

(جاری ہے)

آزاد کشمیر کی قانون ساز اسمبلی کے حلقہ 39 جموں 6 سے مسلم لیگ ن کے نامزد امیدوار راجہ محمد صدیق اور حلقہ ایل اے 42 ویلی تین سے نامزد امیدوار شوکت علی شاہ بھی دیگر رہنماں کے ہمراہ اجلاس میں موجود تھے اس کے علاوہ سابق ارکان پنجاب اسمبلی مہر فیاض اور چوہدری سعید سمیت پارٹی رہنما طالب مہدی، چوہدری بوٹا جاوید، حافظ اعجاز، چوہدری راشد اور دیگر رہنما بھی اجلاس میں شریک تھے.

اجلاس میں ضلع جہلم میں انتخابی مہم کے حوالے سے گزشتہ اجلاس کے فیصلوں پر عملدرآمد کا جائزہ لیا گیا اور مستقبل کی حکمت عملی طے کی گئی اور الیکشن کمپین کےلئے ضلع جہلم کی چاروں تحصیلوں میں لگائی جانے والی ذمہ داریوں پر عمل درآمد کا بھی جائزہ لیا گیا، جہلم میں آزاد کشمیر کے ان انتخابی حلقوں میں پولنگ کے دن کے حوالے سے حکمت عملی پر مزید مشاورت کی گئی . اس حوالے سے خطاب کرتے ہوئے وزیر مملکت بلال اظہر کیانی نے کہا کہ پارٹی صدر محمد نواز شریف کی ہدایات کی روشنی میں الیکشن مہم بھرپور انداز میں چلائیں گے اس کے علاوہ پارٹی رہنماﺅ ں نے بھی اپنے خطاب میں کہا کہ مسلم لیگ ن کشمیر کاز کی مضبوطی اور کشمیریوں کی ترقی کی ضمانت ہے.