دماغی کمزوری سے بچنے کیلئے ہنسیں،ہنسنے کی عادت جسم میں تناؤ پیدا کرنے والے ہارمون کے نقصانات کو کم کردیتی ہے، لوگوں کو زیادہ سے زیادہ ہنسنا چاہئے کیونکہ یہ تناوٴ یا ڈپریشن کے شکار افراد کے لیے نفسیاتی تھراپی سے زیادہ مفید ثابت ہوتا ہے،تحقیق

ہفتہ 20 دسمبر 2014 09:21

نیویارک(اُردو پوائنٹ اخبارآن لائن۔20دسمبر۔2014ء) کسی کے چہرے پر مسکراہٹ کس کے دل کو نہیں بھاتی مگر کیا آپ کو معلوم ہے کہ یہ ڈرامائی انداز میں آپ کی صحت کو بہتر کرسکتی ہے؟یہ بات امریکا میں ہونے والی ایک طبی تحقیق میں سامنے آئی ہے۔کیلیفورنیا کی لوما لنڈا یونیورسٹی کی تحقیق کے مطابق ہنسنے کی عادت جسم میں تناوٴ پیدا کرنے والے ہارمون کے نقصانات کو کم کردیتی ہے۔

تحقیق میں یہ بھی کہا گیا ہے کہ لوگوں کو زیادہ سے زیادہ ہنسنا چاہئے کیونکہ یہ تناوٴ یا ڈپریشن کے شکار افراد کے لیے نفسیاتی تھراپی سے زیادہ مفید ثابت ہوتا ہے۔اس سے پہلے ایک سابقہ تحقیق میں یہ بات سامنے آئی تھی کہ تناؤ کا سبب بننے والا ہارمون کورٹیسول دماغ کے اعصابی خلیوں کو نقصان پہنچاتا ہے جس سے سیکھنے کی صلاحیت اور یاداشت متاثر ہوتی ہے۔

(جاری ہے)

تاہم نئی تحقیق میں یہ بات سامنے آئی ہے کہ ہنسنے سے کورٹیسول سے ہونے والے نقصانات کی روک تھام ہوسکتی ہے۔اسی طرح ہنسنے سے بلڈ پریشر، ذیابیطس اور امراض قلب جیسے طبی مسائل کا خطرہ بھی کم ہو جاتا ہے۔محقق ڈاکٹر لی برک کا کہنا ہے کہ آپ جتنے کم تناؤ کا شکار ہوتے ہیں اتنا ہی آپ کی یاداشت کیلئے بہتر ہوتا ہے، اور ہنسنا دماغ میں اینڈورفینز اور ڈوفامائن جیسے کیمیکل (ہارمونز) کا اخراج بڑھاتا ہے جو مسرت اور دیگر مثبت جذبات کا سبب بنتے ہیں۔

Facebook Twitter Google + Share on Whatsapp

ہفتہ 20 دسمبر 2014 کی مزید خبریں