وہاب کی جارحیت کے راز سے پردہ اٹھ گیا

منگل 14 اپریل 2015 04:02

اسلام آباد(اُردو پوائنٹ اخبارآن لائن۔14 اپریل۔2015ء)ورلڈ کپ 2015 کے کوارٹر فائنل میں آسٹریلیا کے خلاف وہاب ریاض کی شاندار باوٴلنگ خصوصاً پہلے اسپیل کے دنیا بھر میں چرچے رہے اور اس شاندار باوٴلنگ نے شائقین کے ذہنوں میں ایک بار پھر وسیم، وقار اور شعیب اختر جیسے باوٴلرز کی یاد تازہ کردی۔اب پاکستانی ٹیم کے منیجر نوید اکرم چیمہ نے وہاب ریاض کی جارحانہ باوٴلنگ کے راز سے پردہ اٹھا دیا ہے۔

نوید اکرم چیمہ نے انکشاف کیا کہ اس کی وجہ کمنٹیٹر بنے جنہوں نے کوارٹر فائنل سے قبل پاکستان کو کمزور قرار دیا جس نے وہاب ریاض کی پوری باڈی لینگویج کو ہی بدل ڈالا۔انہوں نے بتایا کہ ہندوستان اور بنگلہ دیش کے درمیان دوسرے کوارٹر میچ میں کمنٹیٹر نے کہا تھا کہ پاکستان کمزور ٹیم ہے اور اگر اس نے آسٹریلیا کو پرا دیا تو یہ اپ سیٹ ہو گا۔

(جاری ہے)

قومی ٹیم کے منیجر کے مطابق ایڈیلیڈ میں جب یہ بات کی گئی تو اس وقت پاکستانی ٹیم کی میٹنگ جاری تھی اور وہاب یہ سن کر جذباتی ہو گئے۔

وہاب نے اس موقع پر کہا کہ ماہرین ہمیں ہلکا اور کمزور تصور کر رہے ہیں اور پوری ٹیم کو مشورہ دیا کہ جان مار کر بھرپور جذبے کے ساتھ کھیلیں اور ماہرین کو غلط ثابت کردیں۔نوید اکرم نے مزید بتایا کہ کوارٹر فائمنل وہاب یہی کہہ کر میدان میں اترے تھے کہ آج ہم فاتح بن کر آئیں گے اور سب کو یہی کہتے رہے کہ مصباح کو الوداع کہنے کا اس سے بہتر طریقہ اور کوئی نہیں ہو سکتا۔وہاب نے جو کہا وہ کر دکھایا لیکن قسمت کو کچھ اور ہی منظور تھا۔

Facebook Twitter Google + Share on Whatsapp

وہاب کی جارحیت کے راز سے پردہ اٹھ گیا

منگل 14 اپریل 2015 کی مزید خبریں