امریکا ،بینک لوٹنے کے بعد اس کی ویڈیو جاری کرنے والا ڈاکو گرفتار،میں نے کوئی جرم نہیں کیا یقین ہے عدالت مجھے بے گناہ قرار دے کر باعزت بری کردے گی،ڈومینائک انٹونیوالفونسیکا

ہفتہ 9 مئی 2015 07:34

ورجینیا(اُردو پوائنٹ اخبارآن لائن۔9 مئی۔2015ء) امریکی ریاست ورجینیا میں بینک ڈکیتی کی ایک واردات کے بعد پولیس نے ڈاکو کو اس وقت حراست میں لے لیا جب اس نے واردات کی ویڈیو سوشل میڈیا کی معروف ویب سائٹ انسٹا گرام پر جاری کردی۔پولیس حکام کے مطابق 23 سالہ ڈومینائک انٹونیوالفونسیکا نامی نقب زن کو ڈکیتی کے تقریباً 20 منٹ بعد ورجینیا کے ساحل سے اس وقت گرفتار کر لیا گیا جب اس نے ڈکیتی کی واردات کی ویڈیو ریکارڈنگ سوشل میڈیا کی ویب سائٹ انسٹاگرام پر جاری کی۔

رپورٹ کے مطابق مذکورہ شخص بینک کی خاتون افسر کے پاس گیا اور اس کو ایک کاغذ تھما دیا جس پر لکھا تھا ”مجھے ابھی اور اسی وقت ایک لاکھ 50 ہزار ڈالر چاہئیں اور اچھا ہوگا کہ اگر تم میرے جانے کے ایک منٹ بعد الارم بجاوٴ کیوں کہ پولیس کو یہاں پہچنے میں 3 سے 4 منٹ لگَیں گے“۔

(جاری ہے)

بعد ازاں اپنا دفاع کرتے ہوئے ڈاکو انٹونیو کا کہنا تھا کہ اس نے خاتون سے رقم بطور مدد مانگی تھی اورسمجھ نہیں آرہا کہ مجھے کس جرم میں گرفتار کیا گیا ہے حالانکہ میں نے تو بطور درخواست رقم کا تقاضا کیا تھا خاتون چاہتی تو منع کر سکتی تھی وہ وہاں سے چلا جاتا۔

انٹونیو نے کہا کہ یہ ویڈیو اس نے ثبوت کے طور پر پوسٹ کی تھی تاکہ اگر اسے حراست میں لیا جائے تویہ اس کی بیگناہی کا ثبوت ثابت ہوگی کہ اس نے کسی قسم کا اسلحہ دکھا کر رقم کا مطالبہ نہیں کیا بلکہ مدد کے طور پر رقم کی درخواست کررہا تھا اور یقین ہے کہ عدالت مجھے بے گناہ قرار دے کر باعزت بری کردے گی۔

Facebook Twitter Google + Share on Whatsapp

ہفتہ 9 مئی 2015 کی مزید خبریں