اظہر علی تیز ترین ایک ہزار رنز مکمل کرنے والے پہلے پاکستانی بن گئے،پاکستان کی جانب سے یاسر حمید نے اپنے 24ویں میچ میں ایک ہزار رنز مکمل کیے تھے

منگل 21 جولائی 2015 07:41

کولمبو(اُردو پوائنٹ اخبارآن لائن۔21 جولائی۔2015ء) پاکستان ون ڈے ٹیم کے کپتان اظہر علی تیز ترین ایک ہزار رنز بنانے والے پہلے پاکستانی اور پانچویں انٹرنینشل کھلاڑی بن گئے ہیں۔

(جاری ہے)

پاکستان ون ڈے ٹیم کے کپتان اظہر علی سری لنکا کے خلاف تیسرے ایک روزہ میچ میں ایک رنز کی کمی سے آٹھویں نصف سنچری سے محروم رہے تاہم وہ اپنے کیرئیر کے 23ویں میچ میں ایک ہزار 37 رنز بنا کر تیز ترین ایک ہزار رنز مکمل کرنے والے پہلے پاکستانی اور پانچویں انٹرنیشنل کھلاڑی بن گئے۔

پاکستان کی جانب سے یاسر حمید نے اپنے کریئر کے 24ویں میچ میں ایک ہزار رنز مکمل کیے تھے جب کہ انٹرنیشنل کھلاڑیوں میں ویسٹ انڈیز کے سر ووین رچرڈز، انگلینڈ کے کیون پیٹرسن اور جوناتھن ٹروٹ، جب کہ جنوبی افریقا کے ڈی کوک شامل ہیں جنہوں نے اپنے 21ویں میچ میں ایک ہزار رنز مکمل کیے