ملتان، خاتون سے پانچ افراد کی دن دیہاڑے اجتماعی زیادتی ،عمران سیال،ملک عمران،ملک ندیم ،ملک وسیم اور ایک نامعلوم شخص نے اجتماعی زیادتی کی ملزمان برہنہ کرکے شراب ا نڈیلتے رہے، خاتون کا پولیس کو بیان، خاتون ڈی ایس پی کا وقوعہ سے انکار، اجتماعی زیادتی ہوئی،پولیس میڈیکل کراکر ملزمان کے خلاف ہر صورت قانونی کارروائی کرے گی ، سی پی او کی واقعہ کی تصدیق
ملتان (اُردو پوائنٹ اخبارآن لائن۔10 اگست۔2015ء)ملتان میں اتوار کے رو ز دن دہاڑے تھانہ سیتل ماڑی کے علاقے انیشہ ٹاؤن میں فرزانہ نامی بیس سالہ خاتون سے پانچ افراد نے گینگ ریپ کیا،جس کی اطلاع ملنے پر ایس ایس پی آپریشن ملتان ڈاکٹر عاطف اور متعلقہ پولیس حکام موقع پر پہنچ گئے جو فرزانہ کو تھانے لے آئے جس نے پولیس کو بتایا کہ اس کے ساتھ پانچ افراد عمران سیال،ملک عمران،ملک ندیم ،ملک وسیم اور ایک نامعلوم شخص نے اجتماعی زیادتی کی ،اس موقع پر ملزمان خاتون کو برہنہ کرکے شراب اوڈھیلتے رہے اور جب متعلقہ پولیس حکام سے تھانہ جاکرخبر رساں ادارے نے معلومات حاصل کرنا چاہیں تو وہا ں پر موجود خاتون ڈی ایس پی شاہدہ نسرین نے وقوعہ سے انکار کردیا،جس پر خبر رساں ادارے نے سی پی او ملتان اظہر اکرم سے رابطہ کیا تو انہوں نے بتایا کہ فرزانہ نامی خاتون کے ساتھ اجتماعی زیادتی ہوئی ہے اور پولیس اس کا میڈیکل کراکر ملزمان کے خلاف ہر صورت قانونی کارروائی کرے گی جبکہ تھانے میں موجود پولیس حکام نے مؤقف دیتے ہوئے بتایا کہ فرزانہ نامی خاتون،جس کے ساتھ یہ زیادتی ہوئی ہے وہ اپنا میڈیکل نہیں کروانا چاہتی اور ہم اس کا ز بردستی میڈیکل نہیں کراسکتے۔
(جاری ہے)
مزید متعلقہ خبریں پڑھئیے :
