برونڈی فوج کے سربراہ پر قاتلانہ حملہ ، بال بال بچ گئے

اتوار 13 ستمبر 2015 10:01

بوجمبورا(اُردو پوائنٹ اخبارآن لائن۔13ستمبر۔2015ء)برونڈی کی فوج کے سربراہ ایک قاتلانہ حملے میں بال بال بچ گئے ہیں۔ حکام نے بتایا ہے کہ دارالحکومت بوجمبورا میں کیے گئے اس حملے میں دیگرسات افراد مارے گئے۔

(جاری ہے)

فوجی حکام کے مطابق اس کارروائی کے دوران دو حملہ آوروں کو ہلاک جبکہ ایک کو زندہ گرفتار کر لیا گیا۔سکیورٹی ذرائع نے بتایا ہے کہ حملہ آور ملکی فوج سے وابستہ تھے اور انہوں نے انتہائی باریکی اور مہارت سے اس حملے کا منصوبہ بنایا تھا۔ بتایا گیا ہے کہ یہ باغی عناصر آرمی سربراہ کو ہلاک کر کے بدعنوانی کے شکار اس ملک کی فوج میں تقسیم پیدا کرنا چاہتے تھے۔