سراج الحق کا وفاقی حکومت سے سوات تک کے لئے موٹر وے کا مطالبہ
سوات(اُردو پوائنٹ اخبارآن لائن۔11نومبر۔2015ء )امیر جماعت اسلامی پاکستان سراج الحق نے وفاقی حکومت سے سوات تک کے لئے موٹر وے کا مطالبہ کردیا سوات کے مختصر دورہ میں افضل خان لالااور سابق ایم پی اے محمد امین کی ہمشیرہ کی وفات پر فاتحہ خوانی کے بعد مینگورہ میں میڈیا سے گفتگو کرتے ہوئے انہوں نے کہا کہ موٹر وے وفاقی حکومت کا اچھا منصوبہ ہے اور اس میں خیبر پختون خواہ کا حصہ انتہائی کم ہے اس لئے وزیر اعظم کو چاہیے کہ ہزارہ کی طرح سوات تک موٹر وے بنائی جائے جس سے سیاحت کو فروغ ملے گا اور شورش ذدہ ان علاقوں میں معاشی ترقی ہوگی انہوں نے کہا کہ قومی و چاروں صوبائی اسمبلیوں کو اپنی مدت معیاد پوری کرنے چاہیے تاکہ جمہوریت مظبوط ہوں ایک سوال کے جواب میں انہوں نے کہا کہ قبائلی علاقے خیبر پختون خواہ میں شامل ہونے کے بعد قبائل کی احساس محرومی ختم ہو جائیگی اور وہاں کے ایک کروڑ لوگوں کو انصاف ملے گا ۔
(جاری ہے)
مزید متعلقہ خبریں پڑھئیے :
