نئی آٹو پالیسی کے اعلان کے بعد کئی عالمی کمپنیاں پاکستان میں اسمبلی پلانٹ لگانا چاہتی ہیں،غلام مرتضیٰ جتوئی

سی پیک ھی معاشی زون کے لیے مواقع فراہم کررہا ہے ان میں پاور جنریشن پلانٹس کے قیام کے لیے زون اور دیگر صنعتی زونوں کا قیام شامل ہے پہلے ہی غیر ملکی سرمایہ کاری آنی شروع ہوگئی ہے،حکومت آٹو صنعت، مقامی مینوفیکچرز کے پرزہ جات کے فروغ اور برآمدات بڑھانے کے لیے مدد فراہم کرے گی،وفاقی وزیر کا آٹو پارٹس شو 2017ء کی افتتاحی تقریب سے خطاب اور صحافیوں سے گفتگو

جمعہ 3 مارچ 2017 23:51

کراچی (اُردو پوائنٹ اخبار آن لائن۔ ہفتہ 4 مارچ 2017ء) وفاقی وزیر صنعت و پیداوار غلام مرتضیٰ خان جتوئی نے کہا ہے کہ نئی آٹو پالیسی کے اعلان کے بعد کئی عالمی کمپنیاں پاکستان میں اسمبلی پلانٹ لگانا چاہتی ہیں، چین پاکستان معاشی رہداری(CPEC) بھی معاشی زون کے لیے مواقع فراہم کررہی ہے ان میں پاور جنریشن پلانٹس کے قیام کے لیے زون اور دیگر صنعتی زونوں کا قیام شامل ہے جبکہ اس ضمن میں پہلے ہی غیر ملکی سرمایہ کاری آنی شروع ہوگئی ہے۔

حکومت آٹو صنعت، مقامی مینوفیکچرز کے پرزہ جات کے فروغ اور برآمدات بڑھانے کے لیے مدد فراہم کرے گی۔وہ جمعہ کو کراچی ایکسپو سینٹر میں آٹو پارٹس شو 2017ء کی افتتاحی تقریب سے خطاب اور صحافیوں سے گفتگو کر رہے تھے ۔

(جاری ہے)

پاکستان آٹو پارٹس شو 2017کا انعقاد پاکستان ایسوسی ایشن آف آٹو پارٹس اینڈ ایکسزسریز مینوفیکچررز (پاپام) کررہی ہے ، یہ نمائش ایکسپو سینٹر کراچی میں 3 تا 5 مارچ تک جاری رہے گی۔

وفاقی وزیر صنعت و پیداوار غلام مرتضیٰ خان جتوئی نے کہا کہ آٹوشوپاکستان کی آٹو انجینئرنگ صنعت کی درست ترجمانی کرتی ہے جس نے پاکستان کی معیشت کی ترقی میں بڑی مدد فراہم کی ہے۔ اس بات کا اندازہ اس بات سے بھی لگایا جاسکتا ہے کہ سابقہ مالی سال میں آٹو صنعت نے دو لاکھ گاڑیاں تیار کی تھیں۔ مجھے یقین ہے کہ رواں برس بھی اس سے زیادہ گاڑیاں تیار ہوں گی اور مقامی آٹو انڈسٹری درپیش تمام چیلنجز پر قابو پالے گی۔

اس موقع پر پاپام کے چیئرمین مشہود علی خان نے کہا کہ ملکی معیشت کی ترقی میں آٹو انڈسٹری کے کردار کی تعریف وزیر صنعت و پیداوار کا احسن اقدام ہے۔ حکومتی محصولات میں ٹیکس جمع کرانے والی تیسری سب سے بڑی اور مکمل دستاویزی صنعت ہے۔ تاہم، انڈسٹری کو کئی چیلنجز درپیش ہیں جن سے صنعت کی بقاء مشکل میں پڑ گئی ہے۔ حکومت اگر آٹو ڈیویلپمنٹ پلان 2016-21ء کے مطابق سرمایہ کاری کے لیے کام کرتی ہے تو یہ مسائل حل ہوجائیں گے۔

اعلیٰ ہائی ٹیک پارٹس کی مقامی تیاری ممکن ہے اگر حکومت سرمایہ کاری کے لیے وہی رعایت فراہم کرے جو اسپیشل اکانومک زون کے لیے مہیا کرتی ہے۔ حکومت ایسے پارٹس جو پاکستان میں تیار نہیں کئے جاتے ان کی تیاری کے لیے لگائے جانے والے پلانٹس کو اسپیشل اکانومک زون والا درجہ فراہم کرے۔ انہوں نے ریگولیٹری ڈیوٹی کے حوالے سے مسائل بھی اجاگر کئے۔

انہوں نے تھائی لینڈ اور ترکی کے ساتھ ترجیحی ماہدوں پر بھی انڈسٹری تحفظات کا اظہار کیا اور کہا کہ حکومت ان کے لیے میکینزم تشکیل دے کیونکہ اس سے قبل مختلف ملکوں سے ہونے والے ترجیحی معاہدوں سے ملک کو فائدہ نہیں پہنچا ہے۔ ترکی اور تھائی لینڈ سے معاہدوں کے دوران مقامی انڈسٹری کی ضروریات کا لحاظ رکھا جائے اور ان ملکوں سے درآمد کی بجائے ٹرانسفر آف ٹیکنالوجی کو زیادہ اہمیت دی جائے۔

پاکستان کو جاپان اور کوریا کی مثال کو پیش نظر رکھنا چاہیے جن کی پالیسیوں سے ان ملکوں کی انڈسٹری کو نقصان نہیں پہنچا۔اس موقع پر وائس چیئرمین ٹیوٹا کارپوریشن ٹیوٹا توشیا آزیوما نے کہا کہ پاکستان کا نیا آٹو پلان آٹو صنعت کے لیے کئی مراعاتیں فراہم کرتا ہے۔ نئی آٹو پالیسی سے آٹو صنعت کو فروغ اور کاروبار کو ترقی ملے گی۔ ہم پاکستان میں مزید کام کے لیے کاربند ہیں۔ آٹو انڈسٹری کئی ملکوں میں ملکی معاشی ترقی میں بنیادی کردار ادا کررہی ہے۔ انہوں نے کہا کہ کئی ملکوں جن میں امریکا، بھارت، جاپان وغیرہ شامل ہیں انہوں نے مستحکم آٹو صنعت کی وجہ سے ترقی کی ہے۔

Facebook Twitter Google + Share on Whatsapp

مزید متعلقہ خبریں پڑھئیے‎ :

انصاف اس طرح ہونا چاہیے جیسا قانون کہتا ہے،چیف جسٹس نے اپنا اختیار کم کر کے پارلیمنٹ کی بالادستی کو تسلیم کیا‘ اعظم نذیر تارڑ

ہفتہ 27 اپریل 2024 - 23:31

پاکستان اور برطانیہ کے درمیان تعلیم کے شعبے میں زیادہ سے زیادہ ایکسچینج پروگرامز شروع کرنے چاہئیں‘بلیغ الرحمن

ہفتہ 27 اپریل 2024 - 23:22

حکومت کا کام دعویٰ کرنا نہیں، کام کر کے دکھانا ہے، شاہد خاقان عباسی

ہفتہ 27 اپریل 2024 - 23:21

وفاقی وزیرداخلہ کی چینی قونصل جنرل سے ملاقات، دوطرفہ تعاون وچینی شہریوں کی سکیورٹی پر تبادلہ خیال

ہفتہ 27 اپریل 2024 - 23:18

وزیرخارجہ کا اقتصادی سفارت کاری اور بیرون ممالک کے ساتھ سرمایہ کاری کے تعلقات کو فروغ دینے کی کوششوں کی ضرورت پر زور

ہفتہ 27 اپریل 2024 - 23:16

ملکی صرافہ مارکیٹوں میں ایک ہفتے کے دوران سونا4300روپے سستا ہو گیا

ہفتہ 27 اپریل 2024 - 23:15

نئی آٹو پالیسی کے اعلان کے بعد کئی عالمی کمپنیاں پاکستان میں اسمبلی پلانٹ لگانا چاہتی ہیں،غلام مرتضیٰ جتوئی

مزید متعلقہ خبریں پڑھئیے‎ :

متعلقہ عنوان :

ہفتہ 4 مارچ 2017 کی مزید خبریں