چینی صدر نے امریکی ہم منصب ڈونلڈ ٹرمپ کو دورہ چین کی دعوت دیدی

باہمی تعاون ہی دونوں ممالک کیلئے درست انتخاب ہے ، چین امریکہ بہترین باہمی شراکت دار بن سکتے ہیں ، دونوں کو تاریخ اور آنے والی نسلوں کو مد نظر رکھتے ہوئے تعلقات کے فروغ کی سمت کو سمجھنا چاہیے ،چینی صدر شی جن پنگ امریکہ چین کے ساتھ عدم تنازعات ،باہمی احترام اور مشترکہ مفاد کے اصولوں کے تحت تعلقات کو فروغ دینے کیلئے تیار ہے ، ٹرمپ چینی ہممنصب سے ملاقات اور دورہ چین کے منتظر ہیں، امریکی وزیر خارجہ ریکس ٹیلر سن اور چینی صدر شی جن پنگ کے مابین ملاقات میں گفتگو

اتوار 19 مارچ 2017 16:41

بیجنگ(اُردو پوائنٹ اخبار آن لائن۔ پیر 20 مارچ 2017ء) چین کے صدر شی جن پنگ نے اپنے امریکی ہم منصب کو دورہ چین کی دعوت دیتے ہوئے کہا ہے کہ چین اور امریکہ کے مابین باہمی تعاون ہی دونوں ممالک کیلئے درست انتخاب ہے ، چین اور امریکہ بہترین باہمی شراکت دار بن سکتے ہیں ، دونوں ممالک کو تاریخ اور آنے والی نسلوں کو مد نظر رکھتے ہوئے تعلقات کے فروغ کی سمت کو سمجھنا چاہیے جبکہ امریکی وزیر خارجہ نے کہا صدر ٹرمپ چینی صدر سے ملاقات اور دورہ چین کے منتظر ہیںامریکہ چین کے ساتھ عدم تنازعات ،عدم کشیدگی ،باہمی احترام اور مشترکہ مفاد کے اصولوں کے تحت تعلقات کو فروغ دینے کیلئے تیار ہے ۔

اتوار کو چائنہ ریڈیو انٹرنیشنل کے مطابق امریکی وزیر خارجہ ریکس ٹیلر سن نے چینی صدر شی جن پنگ سے ملاقات کی جس میں چینی صدر شی جن پنگ نے کہا چین اور امریکہ کے مابین تعاون ہی دونوں ممالک کیلئے بہترین انتخاب ہے ۔

(جاری ہے)

انہوں نے اپنے امریکی ہم منصب ڈونلڈ ٹرمپ سے ٹیلی فونک بات چیت اور پیگامات کے تبادلوں کو مثبت قرار دیتے ہوئے کہا دونوں رہنمائوں کے درمیان اتفاق رائے پاجاتا کہ دونوں ممالک کے درمیان صحت مند اور پائیدار تعلقات برقرار رکھنے کیلئے اعلیٰ سطح کے تبادلوں کو فروغ دیا جا سکتا ہے انہوں نے کہا دوطرفہ علاقائی اور عالمی معاملات میں تعاون کو وسعت دی جا سکتی ہے اور حساس معاملات کو بہتر انداز سے حل کیا جا سکتا ہے ان کا مزید کہنا تھا کہ دونوں ممالک کو تاریخ اور آنے والی نسلوں کو مد نظر رکھتے ہوئے چین امریکہ تعلقات کی ترقی کی سمت کو سسمجھنا چاہیئے ۔

چینی صدر نے تجویز پیش کی کہ دونوں ممالک تزویراتی اعتماد سازی اور باہمی ہم آہنگی کو فروغ دیں دوطرفہ تعلقات کو طویل المیعاد اور تزویراتی اعرماد سازی اور تزویراتی تناظر میں دیکھیں مشترکہ مفاد کے حامل نتائج کے حصول کیلئے تعاون کو وسعت دیں ۔ انہوں نے کہا اہم علاقائی معاملات کے حوالے سے دونوں ملک رابطہ سازی کو فروغ دیں ایک دوسرے کے بنادی مفادات اور حساس معاملات کا حترام کریں ، افرادی سطح پر دو طرفہ تبادلوں کی حوصلہ افزائی کریں ۔

اس موقع پر چینی صدر نے اپنے امریکی ہم منصب کو دورہ چین کی دعوت دی ۔ اس موقع پر امریکی وزیر خارجہ نے کہا صدٹرمپ نے چینی اہم منصب کے ساتھ بات چیت کو انتہائی اہم قرار دیا ہے امریکی صدر صدر شی سے ملاقات اور دورہ چین کے منتظر ہیں انہوں نے کہا امریکہ چینکے ساتھ عدم تنازعات ،عدم کشیدگی ،باہمی احترام اور مشترکہ مفاد کے اصولوں کے تحت تعلقات کو فروغ دینے کیلئے تیار ہے