وزارت داخلہ نے گلگت بلتستان میں غیر ملکیوں کے داخلہ پر پابندی عائد کردی ، این او سی لازمی قرار

جمعہ 28 اپریل 2017 09:10

اسلام آباد (اُردو پوائنٹ اخبار آن لائن۔ جمعہ 28 اپریل 2017ء) وزارت داخلہ نے گلگت بلتستان میں غیر ملکیوں کے داخلہ پر پابندی عائد کر دی ہے ،اب کوئی بھی غیر ملکی سیاح کو جی بی جانے کے لئے وزارت داخلہ سے این او سی لینی ہوگی، سیاحوں کو این او سی کے لئے چھے ماہ پہلے درخواست دینی ہوگی، اس سے قبل یہ این او سی گلگت بلتستان کونسل دیتا تھا، وزارت داخلہ نے اس سلسلے میں ہوم سکریٹری کو ہدایات جاری کر دی، وزارت داخلہ کے اس اقدام سے گلگت بلتستان کی سیاحت متاثر ہوگی، گلگت بلتستان سیاحت کے حوالے سے پاکستان کی پہچان سمجھا جاتا ہے، گلگت بلتستان کی خوبصورت پہاڑ اور گلشیرز دیکھنے کے لئے غیر ملکی سیاح دوڑے چلے آتے ہیں، اس فیصلے کے بعد گلگت بلتستان کی عوام میں تشویش پائی جانے لگی، گلگت بلتستان سیاحت انڈسٹری کو اس فیصلے کے بعد شدید جھٹکا، وزرات داخلہ کے اس اقدام سے گلگت بلتستان میں ہوٹل انڈسٹری کو سخت نقصان ہوگا، جبکہ سیاحت سے وابستہ ہزاروں افراد بے روز گار ہوں گی. ۔