اومی کرون کا خطرہ ، عمان نے بوسٹر ڈوز لگانے کی مدت میں کمی کردی

بوسٹر ڈوز لگانے کیلئے مدت کو دوسری خوراک ملنے کے بعد 6 ماہ سے کم کرکے 3 ماہ کردیا گیا

Sajid Ali ساجد علی پیر 20 دسمبر 2021 15:43

اومی کرون کا خطرہ ، عمان نے بوسٹر ڈوز لگانے کی مدت میں کمی کردی
مسقط ( اُردو پوائنٹ اخبارتازہ ترین ۔ 20 دسمبر 2021ء ) عالمی وباء کورونا وائرسل کی مہلک قسم اومی کرون کے خطرے کے پیش نظر عمان نے بوسٹر ڈوز لگانے کی مدت میں کمی کردی ، خلیجی سلطنت میں بوسٹر ڈوز لگانے کیلئے مدت کو دوسری خوراک ملنے کی تاریخ سے 6 ماہ سے کم کرکے 3 ماہ کردیا گیا۔ ٹائمز آف عمان کے مطابق کوویڈ سے بچاؤ کی ویکسین کی بوسٹر خوراک کے لیے وقت کا وقفہ 6 ماہ سے کم کر کے 3 ماہ کر دیا جائے گا ، اس ضمن میں MOH نے اپنے ایک بیان میں کہا کہ وزارت صحت 21 دسمبر 2021ء سے کوویڈ 19 ویکسین کی بوسٹر خوراک کی مدت کو دوسری خوراک ملنے کی تاریخ سے چھ سے تین ماہ تک کم کرنے کا اعلان کرتی ہے ، وزارت ہر ایک سے مطالبہ کرتی ہے کہ وہ اپنی حفاظت اور اپنے اہل خانہ کی حفاظت کے لیے ویکسین لینے میں پہل کریں۔

خیال رہے کہ عمان نے اومی کرون کے خطرے کے پیش نظر 18 سال سے زیادہ آبادی کو بوسٹر ڈوز لگانے کا فیصلہ کیا ہے ، عمان 18 سے زیادہ آبادی کو کورونا کی مہلک قسم اومی کرون سے محفوظ رکھنے کے لیے بوسٹر ڈوز کا انتظام کرے گا جس کے تحت اب عمان کی 18 سے زائد آبادی کو اب اومی کرون کے پھیلاؤ کا مقابلہ کرنے کے لیے بوسٹر ڈوز بک کرنے کی اجازت ہوگی۔

(جاری ہے)

سرکاری خبر رساں ایجنسی کے ایک بیان میں کہا گیا ہے کہ وزارت صحت اہداف کے حصوں اور ایکشن پلان کا اعلان بعد میں کرے گی ، سلطنت عمان کی صورتحال کے بارے میں وبائی امراض کی رپورٹس اور تجزیے مثبت معاملات میں معمولی اضافے کی طرف اشارہ کرتے ہیں ، ہسپتال میں داخل ہونے اور انتہائی نگہداشت کے معاملات کم شرح کو برقرار رکھتے ہیں ، ہدف کی 93 فیصد آبادی پہلے ہی کورونا ویکسین کی کم از کم ایک خوراک پہلے ہی وصول کر چکی ہے۔

          

متعلقہ عنوان :

مسقط میں شائع ہونے والی مزید خبریں:

Your Thoughts and Comments