عمان ایئر کا تمام پروازوں پر 20 فیصد تک رعایت کا اعلان

مسقط ( اُردو پوائنٹ اخبارتازہ ترین ۔ 23 ستمبر 2023ء ) عمان ایئر نے اپنی تازہ ترین گلوبل سیل مہم شروع کرنے کا اعلان کیا ہے، جس میں کمپنی کی جانب سے اپنے نیٹ ورک پر اکانومی کلاس کے کرایوں پر 20 فیصد اور بزنس کلاس کے کرایوں پر 15 فیصد تک رعایت کی پیشکش کی گئی ہے۔ خلیجی میڈیا کے مطابق یہ مہم 28 ستمبر 2023ء تک جاری ہے، جس کا مقصد اپنے صارفین کو دلچسپ بین الاقوامی مقامات پر بچت فراہم کرنے کے لیے ایئر لائن کی جاری لگن کا حصہ ہے، مہمان ایوارڈ یافتہ آن بورڈ سروس، حقیقی عمانی مہمان نوازی اور ایئر لائن کے مسقط مرکز کے ذریعے ہموار رابطے سے بھی لطف اندوز ہو سکتے ہیں۔

بتایا گیا ہے کہ پروموشن 15 مارچ 2024ء تک سفر کے لیے درست ہے اور اس میں صرف واپسی کی پروازیں شامل ہیں، رعایتی نرخوں پر بکنگ عمان ایئر کی ویب سائٹ (omanair.com)، موبائل ایپ، کال سینٹر، کسی بھی عمان ایئر سیلز آفس، اور عمان ایئر کے مقرر کردہ ٹریول ایجنٹس کے ذریعے کی جا سکتی ہے، ڈومیسٹک سیکٹر، انٹر لائن سیکٹر، کوڈ شیئر پارٹنرز، جدہ اور مدینہ شامل نہیں ہیں، دیگر شرائط و ضوابط لاگو ہوتے ہیں۔

(جاری ہے)

علاوہ ازیں عمان ایئر نے شمالی ہندوستان کے شہر لکھنؤ اور جنوبی ہندوستان کے شہر ترواننت پورم کے لیے بھی بکنگ کھول دی ہے اور کہا ہے کہ یکم اکتوبر سے لکھنؤ اور ترواننت پورم کے لیے براہ راست پروازیں دوبارہ شروع ہوں گی، براہ راست پروازوں کا دوبارہ آغاز اکتوبر اور نومبر کے آخر میں ہندوستان میں تہوار کے موسم سے پہلے دونوں شہروں کے مسافروں کو بہتر سفری سہولیات فراہم کرے گا۔

واضح رہے کہ عمان ایئر نے اس سال کے شروع میں اعلان کیا تھا کہ وہ لکھنؤ اور ترواننت پورم کے لیے مسقط سے لکھنؤ کے لیے ہفتہ وار 12 اور مسقط اور ترواننت پورم کے درمیان 5 ہفتہ وار پروازوں کے ساتھ پروازیں دوبارہ شروع کرے گی، عمان ایئر فی الحال نئی دہلی، ممبئی، چنئی، حیدرآباد، گوا، بنگلورو، کوچی اور کوزی کوڈ کے لیے براہ راست پرواز کرتی ہے۔