وزیر اعلی پنجاب نے اٹک کی تعمیر و ترقی کیلئے ٹیم تشکیل دے کر عوام کے دل جیت لیے ہیں ، حاجی یعقوب خان

جمعہ 5 اپریل 2024 17:41

حضرو (اُردو پوائنٹ اخبارتازہ ترین - اے پی پی۔ 05 اپریل2024ء) مسلم لیگ (ن) اٹک کے سنیئر نائب صدر حاجی یعقوب خان نے کہا ہے کہ وزیر اعلی پنجاب نے شیخ آفتاب کی نگرانی میں اٹک کی تعمیر و ترقی کے لیے ٹیم تشکیل دے کر عوام کے دل جیت لیے ہیں ، منتخب نمائندے پہلے سے زیادہ عوام کی خدمت کریں گے ۔ ان خیالات کا اظہار انہوں نے جمعہ کے روز میڈیا کے نمائندوں سے گفتگو کرتے ہوئے کیا ۔

(جاری ہے)

حاجی یعقوب خان نے کہا کہ سابق وفاقی وزیر شیخ آفتاب احمد ، ملک سہیل ، چوہدری شیر علی خان ، ملک اعتبار خان پر مشتمل ٹیم ضلع ٹک کے عوام کے مسائل حل کرنے کے لیے اپنا بھرپور کردار ادا کرے گی۔ انہوں نے کہا کہ ممبر قومی اسمبلی و سابق وفاقی وزیر شیخ آفتاب احمد کی اٹک کے عوام کے لیے خدمات عوام کے سامنے ہیں، اٹک میں بجلی اور سوئی گیس کے مکمل ہونے والے بڑے منصوبوں کا سارا کریڈٹ شیخ آفتاب احمد کو جاتا ہے ۔ حاجی یعقوب خان نے شیخ آفتاب احمد ، ملک سہیل ، چوہدری شیر علی ، ملک اعتبار کو مبارکباد دیتے ہوئے ان کے لیے نیک خواہشات کا اظہار کیا۔