پی سی بی کا پاکستان سپر لیگ کے 5 میچز کراچی میں کروانے پر غور
اقدام غیر ملکی کرکٹرز کے خدشات کم کرنے کیلئے کیا جارہا ہے : بورڈ حکام
ذیشان مہتاب منگل 4 دسمبر 2018 13:39
لاہور (اردو پوائنٹ تازہ ترین اخبار۔4 دسمبر2018ء) پاکستان کرکٹ بورڈ (پی سی بی ) نے پاکستان سپر لیگ کے پانچ میچز کراچی میں کروانے پر غور شروع کردیا ہے ۔ نجی ٹی وی کے مطابق پاکستان کرکٹ بورڈ کے اعلی حکام نے پاکستان میں انٹر نیشنل کرکٹ کی بحالی کے سلسلے میں ایک اور قدم اٹھاتے ہوئے پاکستان سپر لیگ کے فائنل سمیت پانچ میچز نیشنل سٹیڈیم ، کراچی میں کروانے کا فیصلہ کرلیا ہے ۔ رپورٹ میں مزید کہا گیا ہے کہ لیگ کے بقیہ تین میچز قذافی سٹیڈیم ،لاہور میں کروائے جائیں گے ۔مقامی میڈیا نے پاکستان کرکٹ بورڈ کے اعلی ذرائع کے حوالے سے دعوی کیا ہے کہ پی سی بی نے یہ فیصلہ انٹر نیشنل کرکٹرز کی خوشی کے لیے کیا ہے ۔پی سی بی کے ایک آفیشل نے نام نہ ظاہر کرنے کی شرط پر بتایا ہے کہ بورڈ نے یہ فیصلہ انٹر نیشنل کرکٹرز کے خدشات کو دور کرنے کے لیے کیا ہے اور اس کے بعد آسٹریلیوی ٹیم کے میچز کی میزبانی کا آپشن بھی زیر غور ہے ۔
یہ بات قابل ذکر ہے کہ پاکستان سپر لیگ کے تیسرے ایڈیشن کا فائنل بھی نیشنل کرکٹ سٹیڈیم ، کراچی میں کروایا گیا تھا جسے30ہزار شائقین کرکٹ نے دیکھا تھا ۔ سابق چیئر مین پی سی بی نجم سیٹھی نے اعلان کیا تھا کہ پاکستان سپر لیگ کے چوتھے ایڈیشن کے آٹھ میچز پاکستان میںکھیلے جائیں گے،نجم سیٹھی کے اس اعلان کی تائید کرتے ہوئے موجود ہ چیئر مین احسان مانی کا کہنا تھا کہ مستقبل میں پاکستان میں پی ایس ایل میچز کی تعداد میں مزید اضافہ کیا جائے گا ۔پاکستان سپر لیگ کا چوتھا ایڈیشن اگلے سال14فروری سے دبئی میں شروع ہوگا اور فائنل17مارچ کو کھیلا جائے گا ، پی ایس ایل کی تمام فرنچائزز نے ڈرافٹ کے ذریعے اپنے اپنے سکواڈ مکمل کرلیے ہیںاور اب پاکستان کرکٹ بورڈ نے چھٹی ٹیم کے مالک کی تلاش کے لیے اشتہار جاری کردیا ہے ۔
(جاری ہے)
وقت اشاعت : 04/12/2018 - 13:39:35
مزید متعلقہ خبریں پڑھئیے :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
نیوزی لینڈ نے پاکستان کو چوتھے ٹی ٹونٹی میں سنسنی خیز مقابلے کے بعد 4 رنز سے شکست دیدی
-
پاکستان نیوزی لینڈ کی کمزور ٹیم کیخلاف بھی سیریز نہ جیت سکا
-
چیئرمین پی سی بی نے پاکستان ویمنز کرکٹ ٹیم کی سلیکشن کمیٹی تحلیل کر دی،7 رکنی نئی سلیکشن کمیٹی تشکیل
-
لاہور پولیس کے پاکستان نیوزی لینڈ ٹی ٹونٹی کرکٹ سیریز کے پُرامن انعقاد کیلئے فول پروف سکیورٹی انتظامات
-
ویسٹ انڈیزکیخلاف قومی ویمن ٹیم کی مایوس کن کارکردگی
-
بسمہ معروف کا کرکٹ سے فوری ریٹائرمنٹ کا اعلان