فٹنس ٹیسٹ کے دنوں میں حسن علی نے چھٹیاں مانگ لیں
نکاح کے بعد فٹنس ٹیسٹ دینے کیلئے تیار ہوں:فاسٹ باﺅلر
ذیشان مہتاب جمعہ 16 اگست 2019 12:35
لاہور(اردو پوائنٹ تازہ ترین اخبار۔16 اگست 2019ء) قومی کرکٹ ٹیم کے فاسٹ باولر حسن علی نے پاکستان کرکٹ بورڈ سے چھٹیاں مانگ لیں ہیں اور وہ بھی ایسے دنوں میں جب پی سی بی کھلاڑیوں کا فٹنس ٹیسٹ لینے جا رہا ہے۔ تفصیلات کے مطابق پاکستان کرکٹ بورڈنے 19 اگست سے دو روزہ فٹنس ٹیسٹ کا اعلان پہلے ہی کر دیا تھا اہم حسن علی نے فٹنس ٹیسٹ کے دنوں میں چھٹی طلب کر لی ہے۔ حسن علی نے کرکٹ بورڈ سے درخواست کی ہے کہ نکاح کے بعد 22 اگست کو فٹنس ٹیسٹ دینے کیلئے تیار ہوں۔ یاد رہے کہ حسن علی دبئی میں 20 اگست کو سامعیہ سے نکاح کرنے جارہے ہیں اور اس حوالے سے تقریب میں صرف اہل خانہ کے قریبی لوگ ہی شرکت کریں گے۔نوجوان فاسٹ باﺅلر نے گوجرانوالہ میں پریس کانفرنس کرتے ہوئے بتایا تھا کہ ان کی دلہن کی رخصتی دو یا تین مہینے بعد ہوگی جبکہ ولیمہ پاکستان میں ہوگا۔
چیمپئنز ٹرافی کے بہترین کھلاڑی کا ایوارڈ جیتنے والے فاسٹ باﺅلر نے بتایا کہ ہم دونوں ایک سال پہلے دبئی میں ملے تھے جس کے بعد بات چیت کا سلسلہ شروع ہوا،میں نے اپنی فیملی سے بات کی جسکے بعد میرے بھائی اور بھابھی ان سے ملے، میں نے اپنے بھائی سے کہا کہ میں سامعیہ سے شادی کرنا چاہتا ہوں جس پر انہوں نے کہا کہ ہمیں کوئی مسئلہ نہیں ہے، میں نے اس بارے میں سب سے پہلے اپنے بھائی کو بتایا اور میری زندگی کے سارے اہم فیصلے میرے بھائی عطاالرحمن لیتے ہیں۔انہوں نے بتایا کہ شادی میں وہ پاکستانی سٹائل کی کالی اور لال شیروانی پہنیں گے جبکہ ان کی دلہن روایتی انڈین ڈریس پہنیں گی۔حسن علی نے انکشاف کیا کہ سامعیہ سے محبت کا اظہار انہوں نے کیا تھا اور انہیں پاکستان میں ان جیسی کوئی لڑکی پسند نہیں آئی۔
(جاری ہے)
وقت اشاعت : 16/08/2019 - 12:35:56
مزید متعلقہ خبریں پڑھئیے :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
چترال فٹ بال لیگ سیزن فور روواں برس مئی میں کھیلی جائے گی
-
قومی نیٹ بال چیمپئن شپ کل 27 جون سے اسلام آباد میں کھیلی جائے گی
-
انگلش پریمیئر لیگ کے دلچسپ مقابلے جاری،27اپریل کو مزید 6 میچوں کا فیصلہ ہوگا
-
ایبٹ آباد کرکٹ سٹیڈیم میں ٹی ٹونٹی ورلڈ کپ ٹرافی کی رونمائی
-
پنجاب یونیورسٹی نے آل پاکستان ایچ ای سی جوڈو مین چمپئن شپ میں تیسری پوزیشن حاصل کر لی
-
این ٹی ڈی سی انٹر ڈیپارٹمنٹل ٹیپ بال کرکٹ ٹورنامنٹ اختتام پذیر ، جنرل منیجر (ایچ آر) کی ٹیم فاتح