قومی ٹی 20 کپ ،بابراعظم کی پہلے رائونڈ میں شرکت مشکوک
2 ٹیمیں کپتانوں کی خدمات سے محروم ،شعیب ملک ڈومیسٹک ایونٹ میں شرکت کے لیے دبئی سے وطن واپس آگئے
ذیشان مہتاب پیر 21 ستمبر 2020 13:48
لاہور (اردو پوائنٹ تازہ ترین اخبار ۔ 21 ستمبر 2020ء ) قومی ٹی ٹونٹی کرکٹ ٹورنامنٹ کے پہلے مرحلے میں 3ٹیموں کو سٹار کرکٹرز کی کمی محسوس ہوگی۔
سینٹرل پنجاب کو بابر اعظم اور ناردرن کو عماد وسیم کے بغیر نائب کپتانوں پر انحصار کرنا ہوگا،خیبر پختونخوا کو شاہین شاہ آفریدی کی خدمات میسر نہیں ہوں گی، تینوں کھلاڑیوں کی دستیابی راولپنڈی میں شروع ہونے والے دوسرے راؤنڈ سے قبل ہونے کا امکان نہیں، دوسری جانب شعیب ملک ڈومیسٹک ایونٹ میں شرکت کے لیے دبئی سے واپس آگئے۔
تفصیلات کے مطابق قومی ٹی ٹوئنٹی ٹورنامنٹ30 ستمبر سے ملتان میں شروع ہو رہا ہے جہاں پہلے مرحلے میں 6 اکتوبر تک لیگ میچز کھیلے جائیں گے، سینٹرل پنجاب کے کپتان بابراعظم اس وقت انگلش ٹی ٹونٹی بلاسٹ کرکٹ میں سمرسٹ کی نمائندگی کر رہے ہیں، ناردرن کے کپتان عماد وسیم ناٹنگھم شائر کی جانب سے ایکشن میں ہیں، خیبر پختونخوا کی ٹیم میں شامل اہم فاسٹ بولر شاہین شاہ آفریدی ہیمپشائر کے سکواڈ کا حصہ ہیں۔
انگلش ٹی ٹونٹی بلاسٹ کا 3 اکتوبر کو اختتام ہوگا،کئی ٹیموں کی پیش قدمی کوارٹر فائنل سے قبل بھی تمام ہو سکتی ہے، بہرحال اگر پاکستانی کرکٹرز کو کاؤنٹیز سے فراغت مل بھی گئی تو سفری انتظامات، قرنطینہ اور کورونا ٹیسٹنگ کے مراحل کے لیے وقت درکار ہوگا، قبل ازیں پی سی بی نے بھی عندیہ دیا تھاکہ تینوں کرکٹرز 9 اکتوبر سے راولپنڈی میں شروع ہونے والے دوسرے مرحلے میں دستیاب ہوںگے،اس صورتحال میں ملتان میں نائب کپتان ایکشن میں ہوں گے۔
ان میچز کے دوران سینٹرل پنجاب کی قیادت سعد نسیم اور ناردرن کی شاداب خان کے سپرد ہوگی۔ پی سی بی کے ترجمان کا کہنا ہے کہ کھلاڑیوں کے قبل از وقت سکواڈز کو جوائن کرنے کا انحصار انگلینڈ میں ان کی ٹیموں کی پوزیشن پر ہے۔دوسری جانب اپنی فیملی سے ملاقات کے بعد شعیب ملک دبئی سے واپس آ گئے، آل راؤنڈر ڈومیسٹک ایونٹ میں خیبر پختونخوا کی نمائندگی کریںگے۔
(جاری ہے)
وقت اشاعت : 21/09/2020 - 13:48:34
مزید متعلقہ خبریں پڑھئیے :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
بنگلہ دیش اور بھارت کی خواتین ٹیموں کے درمیان پہلا ٹی ٹونٹی کرکٹ میچ 28 اپریل کو کھیلا جائے گا
-
پریذیڈنٹ کپ ون ڈے ٹورنامنٹ میں 28 اپریل بروز اتوار کو مزید تین میچوں کا فیصلہ ہو گا
-
49واں سالانہ واپڈاا نٹر یونٹ سرکل کبڈی ٹورنامنٹ 28اپریل سے شروع ہوگا
-
قطر جونیئر سکواش ، پاکستان نے دو چاندی کے تمغے اپنے نام کر لیے
-
کھلاڑی کو بغیر بتائے پوزیشن تبدیل کرنے سے فرق پڑتا ہے : فخر زمان
-
بابر اعظم نے نیوزی لینڈ سے شکست کا ذمہ دار بیٹرز کو قرار دیدیا