پی ایس ایکس میں مندی کا رجحان، انڈیکس 654.78 پوائنٹس کی کمی سے 40461 پوائنٹس پر بند

کراچی ۔ (اُردو پوائنٹ اخبارتازہ ترین - اے پی پی۔ 04 اکتوبر2017ء) پاکستان اسٹاک ایکسچینج (پی ایس ایکس) میں مندی کا رجحان رہا، کے ایس ای 100 انڈیکس 654.78 پوائنٹس کی کمی سے 40461 پوائنٹس پر بند ہوا، مارکیٹ سرمایہ میں 1 کھرب 37 ارب 77 کروڑ 34 لاکھ 32 ہزار 500 روپے کی کمی رونماء ہوئی تاہم تجارتی حجم میں 2 ارب 85 کروڑ 26 لاکھ 61 ہزار 553 روپے کا اضافہ ریکارڈ کیا گیا۔

اسی طرح خرید و فروخت میں بھی 7 کروڑ 7 لاکھ 18 ہزار 850 حصص کی تیزی رونماء ہوئی۔ تفصیلات کے مطابق کاروباری ہفتے کے تیسرے روز بدھ کو پی ایس ایکس میں حصص کی فروخت کے دبائو اور مارکیٹ کریکشن کے باعث مندی کا رجحان رہا اورکے ایس ای 100 انڈیکس 654.78 پوائنٹس کی کمی سے 40461 پوائنٹس پر بند ہوا جبکہ کے ایس ای 30 انڈیکس بھی 330.04 پوائنٹس کی مندی سے 20513.89 پوائنٹس پر بند ہوا۔

(جاری ہے)

اسی طرح کے ایس سی آل شیئر انڈیکس میں 472.88 پوائنٹس کی کمی رونماء ہوئی جبکہ کے ایم آئی 30 انڈیکس میں 1448.53 پوائنٹس کی مندی رہی۔ حصص کی خرید و فرخت میں اتار چرھائو کے باعث بینکس ٹریڈ ایبل (بی اے ٹی آئی) انڈیکس 67.76 پوائنٹس کی کمی سے 15138.88 پوائنٹس پر بند ہوا جبکہ آئل اینڈ گیس ٹریڈ ایبل (او جی ٹی آئی) انڈیکس 154.44 پوائنٹس کی مندی سے 16985.22 پوائنٹس پر بند ہوا۔

پی ایس ایکس - کے ایم آئی انڈیکس 382.41 پوائنٹس کی کمی سے 20361.90 پوائنٹس پر بند ہوا۔ مارکیٹ میں مجموعی طور پر 391 کمپنیوں کے حصص کا لین دین ہوا جن میں سے 50 کمپنیوں کے حصص کی قیمتوں میں تیزی، 325 کمپنیوں کے حصص کے بھائو میں مندی، 16 کمپنیوں کے حصص کی قیمتوں میں استحکام رہا۔ سب سے زیادہ تیزی پاک سروسز کے حصص کی قیمت میں ہوئی جس کے حصص کی قیمت 44.99 روپے کے اضافے سے 1014.99 روپے پر بند ہوئی۔

اسی طرح اوٹ سوکا پاک (Otsuka Pak) کے حصص کی سودے بھی 6.58 روپے کی تیزی سے 237.58 روپے پر بند ہوئے۔ سب سے زیادہ مندی رفحان میز پروڈکٹس اور یونی لیور فوڈز ایکس ڈی کے حصص کی قیمتوں میں ہوئی۔ رفحان میز پروڈکٹس کے حصص کی قیمت 149 روپے کی مندی سے 7150 روپے اور یونی لیور فوڈز ایکس ڈی کے حصص کی قیمت بھی 99 روپے کی کمی سے 6500 روپے رہ گئی۔ سب سے زیادہ کاروبار عائشہ اسٹیل مل کے حصص میں ہوا جو 1 کروڑ 9 لاکھ 3 ہزار شیئرز رہا جس کی قیمت 18.05 روپے سے شروع ہو کر 17.26 روپے پر بند ہوئی جبکہ پیکن پاور (Pakgen Power) کے 1 کروڑ 1 لاکھ 36 ہزار 500 حصص کے سودے 21 روپے سے شروع ہو کر 21.63 روپے پر بند ہوئے۔

مجموعی طور پر 19 کروڑ 20 لاکھ 2 ہزار 950 حصص کا کاروبار ہوا جس کا تجارتی حجم 9 ارب 64 کروڑ 60 لاکھ 27 ہزار 842 روپے رہا۔ مارکیٹ کیپیٹل 86 کھرب 36 ارب 36 کروڑ 28 لاکھ 13 ہزار 692 روپے سے کم ہو کر 84 کھرب 98 ارب 58 کروڑ 93 لاکھ 81 ہزار 192 روپے رہ گیا۔ فیوچر ٹریڈنگ میں 102 کمپنیوں کے حصص کی قیمتوں میں تیزی اور 29 کمپنیوں کے حصص کی قیمتوں میں مندی رہی جبکہ 4 کروڑ 55 لاکھ 67 ہزار 500 حصص کا کاروبار ہوا۔