برآمدات میں اضافے کیلئے ’’ڈومو ٹیکس‘‘ جیسی نمائشوںمیں پاکستان کی نمائندگی بڑھانے کی ضرورت ہے‘ کارپٹ ایسوسی ایشن

برآمدات میں اضافے کیلئے ’’ڈومو ٹیکس‘‘ جیسی نمائشوںمیں پاکستان کی ..
لاہور (اُردو پوائنٹ اخبارتازہ ترین - اے پی پی۔ 11 جنوری2020ء) پاکستان کار پٹ مینو فیکچررز اینڈایکسپورٹرز ایسوسی ایشن کے چیئرمین محمد اسلم طاہر نے کہا ہے کہ برآمدات میں اضافے کیلئے جرمنی میں منعقدہ ’’ڈومو ٹیکس‘‘ جیسی نمائشوںمیں پاکستان کی نمائندگی بڑھانے کی اشد ضرورت ہے اور حکومت اس کیلئے جامع پالیسی مرتب کرے ، ان خیالات کا اظہارانہوںنے ایسوسی ایشن کے دفتر میں عہدیداروں سے ملاقات میں گفتگو کرتے ہوئے کیا ۔

(جاری ہے)

اس موقع پر سینئر ممبر ریاض احمد، سعید خان ،میجر (ر) اخترنذیر ، محمد اکبر ملک سمیت دیگر بھی موجود تھے،محمد اسلم طاہر نے کہا کہ جرمنی میں منعقدہ ’’ ڈوموٹیکس ‘‘ نمائش میں کارپٹ ایسوسی ایشن کا وفد بھی شریک ہے جو دنیا بھر سے آنے والے خریداروں اورمندوبین سے ملاقاتیں کرے گا جس سے ہماری برآمد ی انڈسٹری پر مثبت اثرات مرتب ہوںگے، انہوںنے کہا کہ اس طرح کی نمائشیں پاکستانی مصنوعات کی مارکیٹنگ کا موثر ذریعہ ہیں اور حکومت کو اس سے بھرپور استفادہ کرتے ہوئے زیادہ سے زیادہ برآمد کنندگان کی شرکت کویقینی بنانا چاہیے ،کارپٹ ایسوسی ایشن کا وفد نا مساعدحالات کے باوجود بھرپور تیاری کے ساتھ نمائش میں شریک ہوا ہے اور امید ہے کہ اس سے قالینوںکی صنعت کو تقویت ملے گی ۔

Your Thoughts and Comments