یو بی ایل فنڈ منیجرز لمیٹڈ( یو بی ایل فنڈز) نے یو بی ایل کیپیٹل پراٹیکٹڈ فنڈIII- کے اجراء کا اعلان

کراچی ۔ (اُردو پوائنٹ اخبارتازہ ترین - اے پی پی۔ 09 دسمبر2016ء) یو بی ایل فنڈ منیجرز لمیٹڈ ( یو بی ایل فنڈز) نے یو بی ایل کیپیٹل پراٹیکٹڈ فنڈIII- کے اجراء کا اعلان کیا ہے۔ یہ اوپن اینڈکیپٹل پراٹیکٹڈ اسکیم ان لوگوں کے لیے سرمایہ کاری کا مثالی موقع فراہم کرتی ہے جو اپنے ابتدائی سرمائے کی رقم کو کٹوتی سے محفوظ رکھتے ہوئے اپنی سرمایہ کاری پر مسابقتی نفع کمانا چاہتے ہوں۔

یو بی ایل کیپٹل پراٹیکٹڈ فنڈIII- (UCPF-III) سرمائے کی مضبوط حفاظت کی پیشکش کرتا ہے جس میں کلائنٹ کے سرمائے کو دو حصوں "capital protected segment" اور "growth segment" میں تقسیم کیا جاتا ہے۔capital protected segment بنیادی سرمائے کے بیشتر حصے پر مشتمل ہے جسی(کم از کم AAریٹنگ کے حامل) معتبر بینک کے پاس رکھوایا جائے گا جبکہ growth segment حصص میں محفوظ سرمایہ کاری کے ذریعے منافع حاصل کرے گا۔

(جاری ہے)

بنیادی سرمائے کے تحفظ کیلئے اس کی حد15 فیصد مقرر کی گئی ہے۔ یو بی ایل فنڈز میں اس پورٹ فولیو کو فنڈ منیجرز کی پیشہ ورانہ ٹیم چلا رہی ہے جو اپنی مہارت اور تجربے کو بروئے کار لاتے ہوئے UCPF-III سرمایہ کاروں کیلئے ترقی کے مواقع تلاش کریں گے۔UCPF-III پر گفتگو کرتے ہوئے یو بی ایل فنڈز کے سی ای او یاسر قادری نے کہا کہ یو بی ایل کیپیٹل پراٹیکٹڈ فنڈIIIکا مقصد سرمائے کی حفاظت کو 100 فیصد یقینی بنانا ہے جہاں فنڈ میں مینجمنٹ کے زیر سایہ اثاثوں کے ایک حصہ کی سیکیورٹیز میں سرمایہ کاری کی جائے گی جو خصوصاً ایکویٹیز میں پرکشش ممکنہ ریٹرنز کیلئے بہترین نمو فراہم کرتا ہے۔

انہوں نے مزید کہا کہ یہ فنڈ ان لوگوں کیلئے بہترین ہے جو حصص میں سرمایہ کاری کرنے کے حوالے سے ابھی بھی ہچکچاہٹ کا شکار ہیں۔ یہ ایکویٹی مارکیٹ ایک عام شخص کیلئے غیرمتوقع محسوس ہو گی خصوصاً جب اس کا سرمایہ کاری کے دیگر راستوں جیسے بونڈز اور سیکیورٹیز سے موازنہ کیا جائے، لہٰذا UCPF-III ان لوگوں کیلئے بہترین ہے جو بہت کم یا بالکل خطرہ مول نہیں لینا چاہتے اور جو چاہتے ہیں کہ ان کی رقم انتہائی کم رسک کے ساتھ ان کے سرمایہ کاری کے پورٹ فولیو میں ایک مثبت اضافے کی بنیاد بنے۔

UCPF-III کا مقصد طویل عرصے کیلئے ممکنہ ہائی ریٹرن حاصل کرنا ہے کیونکہ فنڈ کی عمر تین سال ہوتی ہے۔ یہ اپنے سرمایہ کاروں کو متعدد نمایاں خصوصیات کی پیشکش کر رہا ہے جس میں رقم کے جامع تحفظ کے ساتھ شرح نمو کیلئے 15فیصد تک equity exposure بھی شامل ہے۔ سرمایہ کار دس ہزار روپے کی قلیل رقم سے بھی سرمایہ کاری کر سکتے اور تین سال کے بعد’’Initial Maturity ‘‘ کی مدت پوری ہونے کے ساتھ ہی UCPF-III ٹیکس کریڈٹ سے فائدہ اٹھانے کیلئے بھی بہترین ہے۔