احساس پروگرام یا ایک اور موقع بینک اکاؤنٹس بھرنے کا؟

ہمارے مردہ ضمیروں نے ہمیں غریبوں کے حق پہ بھی ڈاکا مارنے سے نہ روکا ہم نے یہاں بھی ہمیشہ کی طرح ڈنڈی ماری اور غریبوں کے حق پر اپنے چند دن کی آسائیش کیلیئے ہاتھ صاف کر لیا
پچھلے دنوں مجھے ایک بوڑھی ماں نے کہا بیٹا تم پڑھے لکھے ہو میرے ساتھ ذرا دیر بینظیر کے دفتر تو چلو پچھلے کئی مہینوں سے مجھے میرا حق نہیں دیا جا رہا میرے پیسے نجانے کہاں جا رہے ہیں جب جاتی ہوں انگوٹھا لگوا کے ٹال دیتے ہیں کہ اگلے مہینے آنا تمہارا کارڈ ابھی تک نہیں آیا پل بھر کا وقت نکال کر میں اس بوڑھی ماں کیساتھ گیا تو کیا دیکھا صرف یہی ایک بوڑھی ماں نہ تھی جنکا حق کھایا جا رہا تھا بلکہ وہاں کئی ایسی عورتیں بیٹھی تھیں جنکے ساتھ یہی مسئلہ درپیش تھا ان کے ہاتھ میں تھمائی گئی پرچی پر کارڈ اشو ڈیٹ تو آج سے کئی مہینہ پہلے کو دکھا رہا تھا مگر یہاں پوچھنے پر یہی جواب ملا کہ ابھی تک انکے کارڈ نہیں آئے فلاں تاریخ کو آنا
یہ سب دیکھتے ہوئے میں نے ماں جی سے کہا آپ چلیں گھر چلتے ہیں انکوائری آفس میں کال کر کے پتہ کریں گے کہ مسئلہ کہاں آ رہا ہے
میں سوچنے پر مجبور ہو گیا کہ آیا کہ کمپیوٹر تو جھوٹ نہیں بول سکتا اگر وہاں اتنے مہینہ پہلے کی تاریخ اشو میں ڈال دی گئی تو کارڈ گیا تو گیا کہاں؟ کیا انکا کارڈ بیچ راہ ہتھیا لیا گیا؟ کیا واقع ایسا یہ ہر ماہ آفس بلوا کر بھولی بھالی عوام کے انگوٹھے لگوا کر انکے پیسے خود کی جیب میں ڈال کر کہہ دینا اگلے مہینے آنا ان غریبوں کے حق کی دار رسی کون کرے گا؟؟ کون دلائے گا انکے اتنے مہینوں کے کھائے جانے والے پیسے؟؟کون دلائے انھیں انکا حق؟چلو یہ بات تو رہی سہی بینظیر انکم سپورٹ کی اب بات کرتے ہیں حال ہی میں حکومت پنجاب کی طرف سے لانچ کیئے احساس پروگرام کی جس کے تحت شروع کے دنوں میں بےنظیر انکم میں رجسٹرڈ لوگوں کو بارہ بارہ ہزار دینے جانے شروع کیئے گئے جو کچھ صورتحال کچھ مسائل کے باعث دینا بند کر دیئے وہ مسائل کیا تھے آئیے سنیئے مگر وہ کہتے ہیں نا
''اپنا کام بنتا بھاڑ میں جائے جنتا''
احساس پروگرام پر ڈیوٹی کردہ جیالوں نے لوگوں کو بے وقوف سمجھتے ہوئے انھیں صرف اور احساس پروگرام کے بارہ بارہ ہزار دیئے اور گھر بھیج دیا یہ سمجھتے ہوئے یہ تو بدھو لوگ ہیں انھیں کیا خبر ہونی اب بندہ پوچھے کہ جو پیسے انکے ہر مہینہ بینظیر انکم سپورٹ کی جانب سے آتے تھے انکا کیا ہوا؟؟ وہ پیسے کدھر گئے؟ کوئی ہے انھیں پوچھنے والا؟ میں بتاتا ہوں وہ پیسے کدھر گئے جیسے ہمیشہ سے ہوتا آ رہا ہے اب کی بار بھی ویسا ہی ہوا ان غریبوں کے جیالوں کے بینک اکاؤنٹس میں چلی گئی ساری رقم اور غریبوں کا منہ بند کرنے کیلیئے انکے منہ پر بارہ ہزار مار دیئے گئے اصل میں خرابی یہاں نہیں ہے خرابی ہے ہمارے سسٹم میں
 اگر کوئی سسٹم میں ایک آدھ بندہ خراب ہو نا تو اسے بندہ چھتر پریڈ کر کے سدھار لیتا ہے اسکے سدھرنے کی بھی امید کی جا سکتی ہے لیکن جہاں سسٹم کی سارے کی ساری چین ہی خراب ہو وہاں بندہ کرے بھی تو کیا آیا کہ وزیراعظم خان نے بہت اچھے اقدام کر رکھے ہیں احتساب کرنے اور کروانے کے لیکن شاید انھیں یہ نہیں پتہ یہاں ایک لفظ ''سیٹلمنٹ'' بھی پایا جاتا ہے کچھ لو اور کچھ دو معاملہ یہیں ختم کرو اب خان اپنے چند سال کی حکومت میں کس کس کا احتساب کریں گے کس کس کو برطرف کریں گے کوئی ایک جائے گا نیا آ جائے گا ہمارے ہاں کوئی بھی دودھ کا دھلا نہیں ہے جسکا جتنے تک ہاتھ جاتا ہے نا وہ کسر نہیں چھوڑتا ایک دودھ والا اسکا دودھ میں ڈنڈی مارنے کا بس چلتا وہ وہاں کرپشن کرتا وہاں ڈنڈی مارتا ہے ایک ایم۔

(جاری ہے)

پی۔اے ایم۔ان۔اے ہے اسکا اپنے لیول تک ہاتھ جاتا نت نئے دن آئی ہوئی گرانٹس میں ڈنڈی مارنے کا کام وہ کرتا
یعنی کہنے کا مقصد یہ کہ جسکا جتنا ہاتھ پڑتا وہ قصر نہیں چھوڑتا
اصل میں ان سب کو ہم نے خود ڈھیل دے رکھی ہے خود انکو کھلا چھوڑا ہوا ہے اب سوچو اس احساس پروگرام کے تحت جہاں لوگوں کے موبائلز نمبر بھی رجسٹرڈ کیئے گئے کیا ایسا نہیں ہو سکتا تھا کہ انکے حصے میں آئی رقم انکے نمبرز پر بائی ایزی پیسہ یا انکے کارڈز پر سینڈ کر دی جاتی؟ کیا ضرورت پڑی تھی یہ سب الگ تھلگ لائنوں میں لگا کر مجبور و لاچار خواتین کی عزت نفس مجروح کرنے کی
خدارا کچھ نظر کرم ادھر بھی کرو اور غریبوں کی آہیں انکی بد دعائیں مت لو۔۔۔