ایک اور خودکشی
منگل 7 دسمبر 2021
خودکشی کے معنی ہے خود کو ہلاک کرنا پاکستان جیسے اسلامی ممالک میں خودکشی عام ہوتی جارہی ہے پہلے اس طرح کے واقعات شاذ و نادر ہی ملتے تھے لیکن اب آئے دن خودکشی کے واقعات بڑھتے چلے جارہے ہیں مانتے ہیں کہ بہت برے حالات چل رہے ہیں لوگ بہت مشکل سے گزارا کر رہے ہیں مہنگائی کا جن بے قابو ہوگیا ہے کرونا کی وجہ سے جو لوگ بیروزگار ہوئے تھے ان میں سے 50 فیصد ابھی بھی بے روزگار ہیں کرونا کی کی وجہ سے جو معاشی حالات بگڑے ہیں وہ بگڑتے ہیں چلے گئے جس کی وجہ سے عوام معاشی بحران کا سامنا تو کر رہی تھی لیکن اب اس کے ساتھ مہنگائی کا بھی سامنا کر رہی ہے ایک غریب آدمی کی تنخواہ اگر 15000 ہے تو وہ کیسے اپنا خرچہ چلائیں سے دوسری طرف حکومت یہی راگ الاپتے نظر آتی ہے کہ ساری دنیا میں مہنگائی ہو گئی ہے اس لیے پاکستان میں بھی مہنگائی کرنا پڑ رہی ہے ہمارے وزیراعظم یورپین کنٹری کے نظام کو شروع ہی سے پسند کرتے آئے ہیں لیکن افسوس کی بات یہ ہے کہ وہ پاکستان کو بھی یورپ سمجھ بیٹھے ہیں اشیاء کی قیمتوں کا اضافہ وہ اس طرح کرتے ہیں جیسے وہ ترقی پذیر ممالک کے وزیراعظم نہیں بلکہ ترقی یافتہ ممالک کے وزیراعظم ہوں اگر ہم ان ساری چیزوں کو ایک طرف رکھ کر بھی سوچیں تو خودکشی کے واقعات بہت تیزی سے بڑھتے جا رہے ہیں کوئی بے روزگاری کی وجہ سے خودکشی کر رہا ہے ,تو کوئی محبت کی ناکامی کی وجہ سے, تو کوئی گھریلو ناچاقی کی وجہ سے غور طلب بات یہ ہے کہ جیسے بھی حالات ہوں جتنے بھی برے ہو اللہ نے خودکشی حرام کی ہے ہم اپنی پریشانیوں میں اتنے گھرے ہیں کہ مذہب سے دور ہوتے جا رہے ہیں اللہ نے ہر مسئلے کا حل قرآن میں دے رکھا ہے اللہ کہتا ہے مانگو تو سہی میں نہیں دوں تو کہنا اللہ نے اپنے بندوں کو قریب کرنے کے لیے تہجد کی نماز رکھی وہ تو اس وقت عرش سے فرش پر آجاتا ہے اور اپنے بندے کی فریاد سنتا ہے ہم اتنی جذباتی قوم ہوگئے ہیں کہ ذرا سی پریشانی اور زندگی کے مشکل حالات سے تنگ آ کر اتنا بڑا قدم اٹھا لیتے ہیں اور ایک منٹ کے لئے یہ بھی نہیں سوچتے ہم سے جڑے رشتے ماں باپ بہن بھائی بیوی بچے ان کا کیا ہوگا جہاں تک میرا نقطہ نظر ہے ہمارے معاشرے میں اسلامی تعلیم کو عام کرنا ہوگا اسلام ہمیں خودکشی کا درس نہیں دیتا اللہ اپنے بندے کو آزمائشں میں ڈالتا ہے اللہ نے اپنے انبیاء کرام کو بھی آزمائشوں میں ڈالا تھا انہوں نے صبر کیا اور اللہ سے مدد مانگتے رہے یہ ہمیں اسلام سکھاتا ہے سب مشکلیں اور پریشانیوں کو ختم کرنے والی صرف اور صرف اللہ کی ذات ہے اور ہمیں صبر و تحمل کا مظاہرہ کرتے ہوئے خودکشی نہیں کرنی چاہیے دیکھا جائے تو خود کشی کی بڑی وجہ ہم لوگوں کی اسلام اور اسلامی تعلیمات سے دوری ہے صحیح بخاری کی حدیث نمبر 5778 "نبی کریم صلی اللہ علیہ وسلم نے فرمایا کہ "جس نے پہاڑ سے اپنے آپ کو گرا کر خودکشی کر لی وہ جہنم کی آگ میں ہو گا اور اس میں ہمیشہ پڑا رہے گا اور جس نے زہر پی کر خودکشی کر لی وہ زہر اس کے ساتھ میں ہو گا اور جہنم کی آگ میں وہ اسے اسی طرح ہمیشہ پیتا رہے گا اور جس نے لوہے کے کسی ہتھیار سے خودکشی کر لی تو اس کا ہتھیار اس کے ساتھ میں ہو گا اور جہنم کی آگ میں ہمیشہ کے لیے وہ اسے اپنے پیٹ میں مارتا رہے گا۔
" اسلام میں خودکشی تو دور کی بات ہے اسلام میں مصیبت کے وقت اپنے لئے لیے موت کی دعا کرنے کی بھی اجازت نہیں دی گئی ہے ذرا سوچئے ہم دنیا کی چند روز کی تکلیف برداشت نہیں کر سکتے تو آخرت کے عذاب کو کیسے برداشت کریں گے خدارا ہمیں سوچنا ہوگا ہمیں اسلامی تعلیم کو عام کرنا ہوگا ہم بھٹک گئے ہیں ہم میں صبر و برداشت کا مادہ ختم ہوگیا ہے ہمیں حرام , حلال کے فرق کو سمجھنا ہو گا خدارا اپنے گھر میں اسلامی تعلیم کو عام کریں اپنے بچوں کو صبر و تحمل کا درس دیں مصیبت و پریشانی زندگی کا حصہ ہے جب تک زندگی ہے اچھے برے وقت آتے رہیں گے آپ کی زندگی میں برا وقت ہمیشہ کے لیے نہیں آتا اور اچھا وقت بھی ہمیشہ کے لئے نہیں ہوتا اچھے برے دونوں حالات میں اپنے بچوں کو زندگی بسر کرنا سکھائیں۔
اللہ سے دعا ہے کہ اللہ ہمیں اس گناہ کبیرہ سے بچائے آمین!
(جاری ہے)
اللہ سے دعا ہے کہ اللہ ہمیں اس گناہ کبیرہ سے بچائے آمین!
اب تو گھبرا کے یہ کہتے ہیں کہ مر جائیں گے
مر کے بھی چین نہ پایا تو کدھر جائیں گے
مر کے بھی چین نہ پایا تو کدھر جائیں گے
ادارہ اردوپوائنٹ کا کالم نگار کی رائے سے متفق ہونا ضروری نہیں ہے۔
تازہ ترین کالمز :
ثوبیہ عمران کے کالمز
-
ایک اور خودکشی
منگل 7 دسمبر 2021
-
اے نیا سال بتا تجھ میں نیا کیا ہے
جمعہ 8 جنوری 2021
-
نہ شب و روز ہی بدلے ہیں نہ حال اچھا ہے
بدھ 23 دسمبر 2020
-
حکومت اور پی ڈی ایم کا کھیل
پیر 21 دسمبر 2020
-
معذرت کے ساتھ
منگل 8 دسمبر 2020
-
پڑھنے میں دلچسپی نہ ہونے کی وجوہات
جمعرات 3 دسمبر 2020
ثوبیہ عمران کے مزید کالمز
کالم نگار
مزید عنوان
ABOUT US
Our Network
Who We Are
Site Links: Ramadan 2024 - Education - Urdu News - Breaking News - English News - PSL 2024 - Live Tv Channels - Urdu Horoscope - Horoscope in Urdu - Muslim Names in Urdu - Urdu Poetry - Love Poetry - Sad Poetry - Prize Bond - Mobile Prices in Pakistan - Train Timings - English to Urdu - Big Ticket - Translate English to Urdu - Ramadan Calendar - Prayer Times - DDF Raffle - SMS messages - Islamic Calendar - Events - Today Islamic Date - Travel - UAE Raffles - Flight Timings - Travel Guide - Prize Bond Schedule - Arabic News - Urdu Cooking Recipes - Directory - Pakistan Results - Past Papers - BISE - Schools in Pakistan - Academies & Tuition Centers - Car Prices - Bikes Prices
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.