محمد نواز شریف جب بھی اقتدار میں آئے پاکستان میں تعمیر و ترقی کے نئے ریکارڈ قائم کیے ہیں ‘ پاکستان کے ایٹمی پروگرام ‘پہلی موٹر وے‘پاک چین اقتصادی راہداری‘11ہزار میگاواٹ بجلی کی پیداوار سمیت عوامی خوشحالی کے ہر بڑے منصوبے پر محمد نواز شریف کی مہر ثبت ہے ‘ اس وقت چترال سمیت ہر اس جگہ بجلی کی لوڈ شیڈنگ صفر ہے جہاں پر بجلی چوری نہیں اور صارف بجلی کے بل ادا کررہے ہیں ‘محمد نواز شریف نے 2013میں پارٹی منشور میں جو بھی وعدے کیے وہ پورے کر دکھائے ہیں اب محمد نواز شریف نے ووٹ کو عزت دو کا علم بلند کر رکھا ہے‘عوام ووٹ کو عزت دو کے موقف پر محمد نواز شریف کے ساتھ کھڑے ہیں ‘ساری سیاسی پارٹیاں ہمارے خلاف متحد ہیں لیکن جس کی نیت صاف ہو اور اللہ کا فضل و کرم ساتھ ہو اسے کوئی نقصان نہیں پہنچا سکتا‘ پاکستان مسلم لیگ ن کے دور اقتدار میں ہمیشہ بیرونی سرمایہ کاری بڑھی ہے ‘آمریت کے ادوار میں بیرون سرمایہ کاری نہیں ہوئی ‘پیپلز پارٹی کے دور میں زرداری حکومت کے ہاتھ دوسروں کی جیبوں میں ہوتے تھے

اسلام آباد ۔18 اپریل(اُردو پوائنٹ اخبارتازہ ترین - اے پی پی۔ 19 اپریل2018ء) وزیر مملکت اطلاعات‘نشریات‘قومی تاریخ و ادبی ورثہ مریم اورنگزیب نے کہا ہے کہ محمد نواز شریف جب بھی اقتدار میں آئے پاکستان میں تعمیر و ترقی کے نئے ریکارڈ قائم کیے ہیں ‘ پاکستان کے ایٹمی پروگرام ‘پہلی موٹر وے‘پاک چین اقتصادی راہداری (سی پیک)‘11ہزار میگاواٹ بجلی کی پیداوار سمیت عوامی خوشحالی کے ہر بڑے منصوبے پر محمد نواز شریف کی مہر ثبت ہے ‘ اس وقت چترال سمیت ہر اس جگہ بجلی کی لوڈ شیڈنگ صفر ہے جہاں پر بجلی چوری نہیں اور صارف بجلی کے بل ادا کررہے ہیں ‘محمد نواز شریف نے 2013میں پارٹی منشور میں جو بھی وعدے کیے وہ پورے کر دکھائے ہیں اب محمد نواز شریف نے ووٹ کو عزت دو کا علم بلند کر رکھا ہے‘عوام ووٹ کو عزت دو کے موقف پر محمد نواز شریف کے ساتھ کھڑے ہیں‘ساری سیاسی پارٹیاں ہمارے خلاف متحد ہیں لیکن جس کی نیت صاف ہو اور اللہ کا فضل و کرم ساتھ ہو اسے کوئی نقصان نہیں پہنچا سکتا‘ پاکستان مسلم لیگ ن کے دور اقتدار میں ہمیشہ بیرونی سرمایہ کاری بڑھی ہے ‘آمریت کے ادوار میں بیرون سرمایہ کاری نہیں ہوئی ‘پیپلز پارٹی کے دور میں زرداری حکومت کے ہاتھ دوسروں کی جیبوں میں ہوتے تھے۔

(جاری ہے)

وہ بدھ کی رات بے نظیر بھٹو انٹر نیشنل ایئر پورٹ ایئر لیگ کے جلسہ سے خطاب کر رہی تھیں ۔وزیر مملکت مریم اورنگزیب نے کہا کہ ایئر لیگ کے جلسہ میں خواتین کی بڑی تعداد دیکھ کر خوشی ہوئی ہے اللہ کے فضل و کرم سے الیکشن کا پرامن انعقاد ہوگا ۔انہوں نے کہا کہ ایئر لیگ کے صدر عثمان جرات مند اور بے باک قیادت ہیں ‘وہ ہمارے قائد محمد نواز شریف کی ووٹ کو عزت دو تحریک میں ساتھ کھڑے ہیں اور وہ بھی یقین رکھتے ہیں کہ ووٹ کو عزت ملنی چاہیے ۔

انہوں نے کہا کہ الیکشن میں جذبات کی بجائے صبر سے حصہ لینا چاہیے جو شخص عوام کی نمائندگی کا حق رکھتا ہے وہ ہی کامیاب ہوگا ۔انہوں نے کہا کہ پورا پاکستان کہتا ہے کہ پاکستان کی ایٹمی قوت پر محمد نواز شریف کی مہر ثبت ہے ‘تاریخی پس منظر میں پاکستان میں پہلا موٹر وے جس نے صوبوں کو جوڑا اور اس کی وجہ سے آج پاکستان کی آنے والی نسلیں ترقی کر رہیں ہیں وہ بھی محمد نواز شریف نے دیا ہے ‘ اگر1990 کی دہائی موٹر وے نہ بنتا توآج پاک چین اقتصادی راہداری (سی پیک) کیسے روڈ نیٹ ورک کے ساتھ منسلک ہوتا ۔

انہوں نے کہا کہ 2013میں پاکستان مسلم لیگ ن کی حکومت بنی تو محمد نواز شریف تیسری مرتبہ وزیراعظم منتخب ہوئے ہیں ‘دنیا میں کئی بھی ایسا نہیں ہوا کہ وزیراعظم کو عوام کی اکثریت تیسری مرتبہ وزارت عظمی کے لئے منتخب کرے ۔انہوں نے کہا کہ ساڑھے چار سالوں کی قلیل مدت میں محمد نواز شریف کی قیادت میں ملک میں 11ہزار میگا واٹ بجلی پیدا کر کے سسٹم میں شامل کی گئی ہے ‘66سالوں کے دوران بھی اتنی بجلی پیدا نہیں ہوئی جتنی مسلم لیگ ن کی اس دور حکومت میں ہوئی ہے ۔

صرف ان مقامات پر لوڈ شیڈنگ یا بجلی کی فراہمی میں تعطل ہے جہاں پر بجلی چوری ہورہی ہے اوربجلی کے بل بھی ادا نہیں کیے جارہے ۔بجلی چوری کا بوجھ ہم ان صارفین پر نہیں ڈال رہے جو باقاعدگی سے بجلی کے بل ادا کررہے ہیں اور بجلی کی چوری بھی نہیں ہے ۔انہوں نے کہا کہ ہمارے مخالفین کو خوف ہی اسی بات کا ہے کہ مسلم لیگ ن کی حکومت جو عوامی خدمت کے منصوبے مکمل کر رہی ہے یا کر چکی ہے اس سے عوام کو سہولت ملے گی اور ملک کا مستقبل روشن ہوگا اور آئندہ الیکشن میں ان مخالفین کو نہیں بلکہ دوبارہ مسلم لیگ ن کو ہی ووٹ ملیں گے ۔

وزیر مملکت مریم اورنگزیب نے کہا کہ تاریخ گواہ ہے کہ پاکستان میں جب جب محمد نواز شریف اقتدار میں آئے ہیں تو جہاں عوامی خوشحالی اور ملکی ترقی کے نئے دور کا آغاز ہوا وہی پر بیرونی سرمایہ کاری بھی اپنے عروج پر رہی ہے ‘پوری دنیا محمد نواز شریف پر اعتماد کرتی ہے ‘آمریت کے ادوار میں بیرونی سرمایہ کاری بلکل نہیں ہوتی کیونکہ دنیا آمریت پر بھروسہ نہیں کرسکتی اور جب پیپلز پارٹی کا دور تھا تو زرداری حکومت کے ہاتھ لوگوں کی جیبوں کے اندر تھے اس دور میں بھی بیرونی سرمایہ کاری عوام کے سامنے ہے ۔انہوں نے کہا کہ فاطمہ جناح ہمیشہ قائداعظم کے ساتھ تھیں‘ہمیں بھی خواتین کو انکا مقام دیناہوگا وہ ملک ترقی نہیں کرتے جہاں خواتین کا کردار نہ ہو۔