پاکستان اور بھارت میں اقوام متحدہ فوجی مبصر گروپ خطے میں لائن آف کنٹرول کی نگرانی کے لئے تعینات ہے، اسے مزید فعال اور موثر بنانے کی ضرورت ہے
ْصدر آزادکشمیر سردار مسعود خان کا ویانا آسٹریا میں انٹرنیشنل پیس سٹیڈیز کانفرنس سے خطاب
پیر 28 مئی 2018 20:11
(جاری ہے)
جنوبی ایشیاء میں جاری بنیادی تنازعہ’’مسئلہ کشمیر‘‘ کے حل کی ضرورت پر زور دیتے ہوئے صدر نے کہا ہے کہ مسئلہ دونوں ملکوں کے درمیان مذاکرات کے ذریعے حل کیا جانا چاہیے اور جموں وکشمیر کیلوگوں کے بنیادی انسانی حقوق کو ملحوظ خاطر رکھتے ہوئے ان کی خواہشات کے مطابق مسئلہ کو حل کیا جانا چاہیے ۔
انہوں نے کہا کہ طاقت اور تشدد کے استعمال سے یہ مسئلہ کبھی حل نہیں کیا جا سکتا۔ انہوں نے کہا ہے کہ اس پیچیدہ مسئلہ کو کسی طور پر بھی نظر انداز نہیں کیا جانا چاہیے بلکہ اس کی حساسیت کے پیش نظر اسے ترجیح بنیادوں پر حل کیا جانا چاہیے ۔ انہوں نے افسوس کے ساتھ کہا کہ 70سال کے طویل عرصہ گزر جانے کے باوجود اس مسئلے کا حل نہ تلاش کرنا اقوام متحدہ کی سلامتی کونسل پر ناکامی کا ایک سیاہ دھبہ ہے۔ انہوںنے اس بات پر زور دیا کہ عالمی امن قائم رکھنے کے لئے اقوام متحدہ کے بنیادی کردار کو کسی طور پر بھی نظر انداز نہیں کیا جا سکتا خاص طور پر پیچیدہ اور حساس نوعیت کے تنازعات میں اقوام متحدہ کو فوری اپنا کردار ادا کرناچاہیے اور اس کے لئے انہوں نے تجویز دی کہ سب سے پہلے سکیورٹی کونسل چاہیے کہ وہ دونوں پارٹیوں کی حوصلہ افزائی اور رہنمائی کرتے ہوئے اس تنازعہ کو مذاکرات ، ثالثی اور دیگر قانونی ذرائع جو اقوام متحدہ کے آرٹیکل 33میں بیان کئے گئے ہیں کے تحت حل کئے جانے پر مائل کرتے ہوئے زور دینا چاہیے لیکن پارٹیاں اگر اس طرح کے وسائل سے تنازعات کو حل کرنے میں ناکام رہیں تو انہیں آرٹیکل 37کے تحت سکیورٹی کونسل کو ریفر کیا جانا چاہیے۔ کونسل کو بین الاقوامی امن و سلامتی کو برقرار رکھنے کے لئے بین الاقوامی قانون اور خاص طور پر بین الاقوامی انسانی حقوق کے قانون کو برقرار رکھنا چاہیے۔ ایسے تنازعات جہاں نسل پرستی، جنگی جرائم، انسانیت کے خلاف جرائم جیسا کہ فلسطین ، کشمیر ، کوریا، شام، یوکرائن، اینگلو فون اور افریقہ میں فرانکوفون ممالک میں ہو رہا ہے وہاں کونسل کو انتخابی اور رئیل پولیٹک کے ذریعے کے آگے بڑھتے ہوئے اصل صورتحال جاننے کے لئے فیکٹ فائنڈنگ مشن بھیجنا چاہیے۔ سکیورٹی کونسل کی قراردادوں پر عملدرآمد کو یقینی بنانے کے لئے سکیورٹی کونسل کے اراکین کو جانبدارانہ کردار ادا کرنے اور کونسل کی قراردادوں اور اعزازات کی خلاف ورزی اور انہیں غیر فعال کئے جانے سے روکا جانا چاہیے۔ صدر آزادکشمیرنے امن و امان بحال کرنے ، امن و امان برقرار رکھنے اور امن و امان کو فروغ دینے کے لئے اقوام متحدہ کی اہمیت پر زور دیتے ہوئے کہا کہ اقوام متحدہ کے چارٹر کا باب نمبر چھ ایک اہم عنصر ہے ، جس کے تحت امن و امان کو قائم اور بحال رکھا جاتا ہے۔ انہوں نے کہا کہ اقوام متحدہ نے بہت سارے علاقوں جن میں تیمور لیس، سیریا لون، لائیبریا ، کوٹ ڈیواویر، برونڈی، کوسود اور ہیٹی کے تنازعات کو حل کرنے میں کامیابی حاصل کی ہے۔ صدر سردار مسعود خان نے وضاحت کرتے ہوئے کہا کہ ان کامیابیوں کے باوجود اقوام متحدہ نے کئی علاقوں اور ممالک جیسے صومالیہ ، روانڈا ، لیبیا، شام، یمن، جنوبی سوڈان، وسطی افریقی جمہوریہ، کانگو ، فلسطین اور کشمیر جیسے حساس تنازعات کو حل کرنے اور امن و استحکام بحال کرنے میں تاحال کامیابی حاصل نہیں کی۔ صدر نے عالمی اہمیت کے تنازعات سے نمٹنے کے لئے غیر سیاسی ، اقتصادی اور اسٹرٹیجک مفادات سے بالاترہو کر حقائق کو مد نظررکھتے ہوئے منصفانہ حل پر زور دیا۔ انہوںنے کہا کہ جمہوری طریقے سے اصلاحات لاتے ہوئے اقوام متحدہ میں مل کر فیصلہ سازی کی جانی چاہیے۔ انہوں نے پانچ بڑے تنازعات کے حل پر زور دیتے ہوئے کہا کہ کشمیر ، فلسطین ، کوریا ، شام اور یوکرائن میں بڑے پیمانے پر ہونے والی انسانی حقوق کی خلاف ورزیوں اور ظلم وجبر کو فوری طور پر روکنے کی ضرورت ہے تاکہ عالمی امن وسلامتی برقرار رہ سکے۔ اجلاس سے آسٹریا کے سابق نائب وزیر اعظم و سابق وزیر خارجہ مائیکل اسپنڈ لیگلرنے بھی خطاب کیا۔ ایمل برکس ڈائریکٹر ویانہ سکول انٹرنیشنل سٹیڈیز ، امن منڈی کے ڈائریکٹر کشور میڈھیان، ڈائریکٹر فار پیس کیپنگ یواین، مائیک ہارڈے ڈائریکٹر کودنٹری یونیورسٹی سنٹر فار ٹرسٹ ، پیس اینڈ سوشل ریکشنز ، والٹر فیلحٹنگر آسٹرین نیشنل ڈیفنس اکیڈمی، فرید طریف سابق یو این انڈر سیکرٹری جنرل و کوآرڈینٹر یو این آپریشن لائبیریا، محمد نظام الدین چیئرمین پنجاب ہائیر ایجوکیشن کمیشن، لوشیاموکرہ ڈین سوشل اینڈ اکنامک سائنسز کومیشن یونیورسٹی آف براٹیسلرا، مئو رو میڈیکو چیف ٹریرازم پرونشن یو این او ڈی سی، گوران لوزی سوک سنٹر فار پیس سٹیڈیز کروٹیا، والٹر کیمپ آرگنائزیشن فار سکیورٹی اینڈ کو آپریشن ان یورپ اور آفسر راٹھور سابق پروگرام کوارڈینٹر یو این نے بھی اجلاس میں شرکت کی۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.