پیپلزپارٹی نے عوام دشمن پی ٹی آئی حکومت کیخلاف اعلان جنگ کردیا،بلاول بھٹو
نااہل حکومت کیخلاف 27فروری کو مزار قائد سے لانگ مارچ کی شروعات ہوگی اور اسلام آباد پہنچ کر مقاصد حاصل کرلیں گے ملک سنگین بحران سے دوچار ہے جسے پیپلز پارٹی ہی باہر نکالے گی،چیئرمین پیپلزپارٹی
جمعرات 13 جنوری 2022 23:24
(جاری ہے)
اجلاس سے خطاب کرتے ہوئے چیئرمین بلاول بھٹو زرداری نے کہا کے 27 فروری کو مزار قائد کراچی سے اس نااہل حکومت کے خلاف لانگ مارچ کی شروعات ہوگی اور اسلام آباد پہنچ کر اپنے مقاصد حاصل کرلینگے۔
انہوں نے کہا کے پیپلز پارٹی ہی عوام کے مسائل کے حل کے لئے حقیقی اپوزیشن کا کردار ادا کرکے اس پی ٹی آئی کی نااھل حکومت کو بے نقاب کرکے گھر بھیجے گی بلاول بھٹو زرداری نے کہا کے ملک سنگین بحران سے دوچار ہے اور پیپلز پارٹی ہی ملک کو بحران سے نکالے گی۔ انہوں نے کہا کے اس بار بھی عوام اور پیپلز پارٹی ہی کامیاب ہوگی انہوں نے کہا کے پارٹی کارکنان و رھنما آپس کے اختلافات ختم کرکے ایک ہوکر آواز بنیں پہر کوئی ھمیں نہیں ھرا سکتا۔ بلاول بھٹو زرداری نے کہا کے پیپلز پارٹی ملک بھر میں بلدیاتی انتخابات سمیت عام انتخابات میں بھرپور کامیابی حاصل کرے گی۔ انہوں نے کہا کے ملک میں زراعت کے سیکٹر کے ساتھ ظلم کیا گیا ہے جس وجہ سے کسان مصیبت میں ہیں اس لئے پیپلز پارٹی کیجانب سے کسانوں کے ساتھ یکجھتی کے لیے 21 جنوری اور 24 جنوری کو ملک بھر میں کسان مارچ ہوگا۔ اس موقع پر خطاب کرتے ہوئے پی پی پی سندھ کے صدر نثار کھوڑو نے کہا کے 27 فروری سے مزار قائد کراچی سے شروع ہونے والے لانگ مارچ کا اگلا پڑاؤ پنجاب بارڈر کمون شہید پر ہوگا جس کے بعد مارچ لاہور اور اسلام آباد پہنچے گا اور ھم ھر مکتب فکر سے وابستہ افراد کو پیپلز پارٹی کے لانگ مارچ میں شرکت کی اپیل کرتے ہیں۔ نثار کھوڑو نے کہا کے ملک اس لئے نہیں بنایا گیا تھا کے عوام خود کو جلائے۔ ریاست کا کام عوام کو ریلیف دینا ہے جو حکومت عوام کو ریلیف دینے میں ناکام ثابت ہوئی ہے۔انہوں نے کہا کے پیپلز پارٹی کو انجنیئرڈ انتخابات کے ذریعے وفاق میں اکثریت حاصل کرنے سے روکنے کی سازش کی گئی تھی۔ آر ٹی ایس کا نظام فیل کرکے پی ٹی آئی کو جتوایا گیا اب وی ایم مشین یا کسی اور سازش کے ذریعے انتخابات پر ڈاکے نہیں ڈالنے دینگے۔ نثار کھوڑو نے کہا کے عوام پر عذاب کی طرح مسلط اس پی ٹی آئی حکومت کو عوامی طاقت سے گھر بھیجنے پر مجبور کرینگے۔انہوں نے کہا کے وفاقی حکومت 340 ارب روپے کی ٹیکس عوام پر لگا کر عوام کا خون چوسنا چاہتی ہے۔وفاقی حکومت ھر محاذ پر ناکام ثابت ہوچکی ہے یوریا کی سرکاری رقم 17 سو روپے ہے مگر آبادگار اور کسانوں کو مارکیٹ سے 32 سو روپے میں بھی یوریا کھاد نہیں مل رہی۔ نثار کھوڑو نے کہا کے عوام اور ملک کو بحران سے نکالنے کے لئے وزیراعظم عمران خان اور پی ٹی آئی کو اقتدار سے نکالنا ضروری ہے۔ لاکھوں عوام اسلام آباد پہنچ کر عوام سے زیادتیوں کا حساب اس وفاقی حکومت سے لینگے۔پی پی پی خواتین ونگ کی مرکزی صدر فریال تالپور نے اجلاس سے خطاب کرتے ہوئے کہا کے عوام اس حکومت کی مھنگائی بے روزگاری، ٹیکسز کی بھرمار سے بے زار ہوچکی ہے ھر ماہ بجلی مھنگی کرکے عوام پر بم گرایا جا رہا ہے۔ فریال تالپور کا کہنا تھا کے یوریا کھاد کے بحران سے گندم کی فصل بھت کم ہوگی جس سے ایک اور بحران جنم لے گا۔ انہوں نے کہا کے اس حکومت نے ایسے حالات پیدا کرکے خود عوام کو لانگ مارچ پر مجبور کردیا ہے مارچ میں خواتین بھی بھرپور شرکت کرینگی۔ فریال تالپور نے کہا کے بلدیاتی انتخابات میں حصہ لینے والے پارٹی امیدواروں سے 30 جنوری تک درخواستیں طلب کی ہیں۔ سابق وزیراعلی سندھ سید قائم علی شاہ نے کہا کے پی ٹی آئی ملک سے غریب مٹاو کی ایجنڈا پر کام کر رہی ہے۔ اجلاس کو صوبائی وزیر اطلاعات وصدر پی پی پی کراچی ڈویڑن سعید غنی نے بلدیاتی قانون پر بریفنگ دی اور کہا کے بلدیاتی قانون پر احتجاج کرنی والی جماعتوں کو یہ خوف ہے کے پیپلز پارٹی بلدیاتی انتخابات میں اپنا میئر لائے گی اس لئے احتجاج کرکے تماشہ کیا جا رہا ہے سعید غنی نے کہا کے یہ لوگ احتجاج کرتے رہیں آمر پرویز مشرف کا بلدیاتی نظام واپس نہیں آئے گا۔اجلاس میں سرفراز راجڑ، وقار مھدی، عاجز دھامراہ، سید ناصر شاہ، سعید غنی، سسئی پلیجو ،نعمان شیخ، لال چند اکرانی، سمیت ایم پی ایز ڈویڑنل و ضلعی صدور و ذیلی تنظیموں کے رہنماؤں نے شرکت کی۔مزید اہم خبریں
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
-
بانی پی ٹی آئی فوجی قیادت کے ساتھ مذاکرات چاہتے لیکن کوئی جواب نہیں آیا
-
ہم مذاکرات صرف فوج، آرمی چیف اور ڈی جی آئی ایس آئی کے ساتھ کریں گے
-
اسلام آباد ہائیکورٹ کے ججز کے خط پر فل کورٹ کی تشکیل سے گریز،عدالتی امور میں انٹیلیجنس ایجنسیوں کی مداخلت کے حوالے سے چیف جسٹس آف پاکستان کا بیان
-
پاکستان کی ترقی کے سفر میں رخنہ ڈالنے والوں کی تمام کوششیں ناکام ہوں گی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.