Live Updates

پنجاب حکومت کا سیلاب متاثرین کے گھر بنانے کیلئے 10 لاکھ روپے امداد کا اعلان

سیلاب متاثرہ علاقوں میں خوراک پر 40 فیصد سبسڈی اور ہر زمیندار کو سولر پمپ کی سہولت دیں گے‘ کوشش ہوگی ہیلتھ کارڈ بھی فوری طور پر دے دیئے جائیں۔ وزیراعلیٰ پرویزالٰہی کا تقریب سے خطاب

ساجد علی اتوار 11 ستمبر 2022 16:14

پنجاب حکومت کا سیلاب متاثرین کے گھر بنانے کیلئے 10 لاکھ روپے امداد کا ..

لاہور ( اُردو پوائنٹ اخبارتازہ ترین ۔ 11 ستمبر 2022ء ) پنجاب حکومت نے سیلاب متاثرین کے گھر بنانے کیلئے 10 لاکھ روپے امداد کا اعلان کردیا۔ تفصیلات کے مطابق لاہور پریس کلب میں تقریب سے خطاب کرتے ہوئے صوبے کے وزیراعلیٰ چوہدری پرویز الٰہی نے کہا کہ عمران خان کی قیادت میں پنجاب حکومت سب کو سکھ دے گی، سیلاب زدگان کی بحالی کے لیے بھرپور کوششیں جاری ہیں، متاثرین کے گھروں کی تعمیر کے لیے نقد رقوم دی جائیں گی، ان کو گھر بنانے کیلئے10 لاکھ روپے امداد دی جائے گی۔

انہوں نے کہا کہ عمران خان کی ٹیلی تھون میں اب تک ڈھائی ارب روپیہ اکٹھا ہوا ہے، صحت کارڈ بہترین اور اچھی اسکیم ہے، اس پر عمل درآمد کے لیے بھی کام کریں گے اور کوشش ہوگی ہیلتھ کارڈ بھی فوری طور پر دے دیئے جائیں جب کہ سیلاب متاثرہ علاقوں میں خوراک پر 40 فیصد سبسڈی دیں گے اور ہر زمیندار کو سولر پمپ کی سہولت فراہم کی جائے گی۔

(جاری ہے)

وزیراعلیٰ پنجاب نے کہا کہ صحافیوں کی بہبود کے لیے کوششیں جاری رکھیں گے، صحافیوں کی بہبود کے لیے ایسے قوانین بنائیں گے جو کوئی حکومت تبدیل نہ کر سکے، پریس کلب کے ممبر صحافیوں کے لیے آپریشن بھی فری کرنے کا اعلان کرتا ہوں۔

دوسری طرف اقوام متحدہ کے سیکرٹری جنرل انتونیو گوتریس نے کہا ہے کہ اتنے بڑے پیمانے پر موسمیاتی تباہی نہیں دیکھی جتنی پاکستان میں سیلاب کے باعث ہوئی، ایسے وقت میں جب ہماری زمین گرم ہو رہی ہے تو تمام ممالک موسمیاتی تبدیلیوں کے باعث وہ نقصانات اٹھا رہے ہیں جن سے نمٹنا ان کے بس کی بات نہیں ہے، یہ ایک عالمی بحران ہے اور عالمی رد عمل چاہتا ہے۔

I have never seen climate carnage on the scale of the floods here in Pakistan.

As our planet continues to warm, all countries will increasingly suffer losses and damage from climate beyond their capacity to adapt.

This is a global crisis. It demands a global response. pic.twitter.com/5nqcJIMoIA
— António Guterres (@antonioguterres) September 10, 2022

اسی طرح وزیر اعظم شہباز شریف نے کہا ہے کہ پاکستان کو موجودہ چیلینج سے نبردآزما ہونے کیلئے عالمی تعاون کی ضرورت ہے، انہوں نے کہا کہ سیکرٹری جنرل اقوام متحدہ کی جانب سے سیلاب متاثرین کی بے مثال معاونت پر مشکور ہیں، انتونیو گوتریس کا دورہ سیلاب سے جنم لینے والے انسانی المیے سے متعلق آگاہی کے لیے اہم ہے۔

وزیراعظم نے کہا کہ شدید گرمی میں سیلاب متاثرہ علاقوں اور امدادی کیپموں کے دورے کے دوران اقوام متحدہ کے سیکرٹری جنرل پاکستان میں سیلاب کی تباہ کاریوں کو دیکھ کر شدید حیران اور پریشان رہ گئے، وہ سیلاب متاثرین کے دُکھوں کی آواز بن گئے ہیں، دنیا کو ان کی موسمیاتی تبدیلی کے خطرات کے حوالے سے گفتگو پر توجہ دینی چاہیئے۔

شدید گرمی میں سیلاب متاثرہ علاقوں اور امدادی کیپمس کے دورے کے دوران UN سیکرٹری جنرل پاکستان میں سیلاب کی تباہ کاریوں کو دیکھ کر شدید حیران و پریشان رہ گئے. وہ سیلاب متاثرین کے دُکھوں کی آواز بن گئے ہیں. دنیا کو انکی موسمیاتی تبدیلی کے خطرات کے حوالے سے گفتگو پر توجہ دینی چاہیئے pic.twitter.com/BW5osCBQ1N
— Shehbaz Sharif (@CMShehbaz) September 11, 2022

شہباز شریف نے کہا کہ اقوام متحدہ کے سیکرٹری جنرل کا دو روزہ دورہ اس انسانی سانحے کے حوالے سے دنیا بھر میں آگاہی پھیلانے کے لیے نہایت اہم رہا، ان کی ہمدردی اور قائدانہ خصوصیات نے مجھے متاثر کیا، پاکستان کو اس چیلنج سے نمٹنے کے لیے عالمی برادری کی مدد کی ضرورت ہے۔