پسماندہ علاقوں کی تعمیر وترقی صحت تعلیم روزگار کی فراہمی پیپلز پارٹی کے منشور کی اولین ترجیحات میں شامل ہیں،چوہدری لطیف اکبر

مظفرآباد(اُردو پوائنٹ اخبارتازہ ترین - این این آئی۔ 05 دسمبر2023ء) آزادجموں وکشمیر قانون ساز اسمبلی کے سپیکر چوہدری لطیف اکبر نے کہا کہ ریاستی تشخص قومی وقار عوامی حقوق کا تحفظ پسماندہ علاقوں کی تعمیر وترقی صحت تعلیم روزگار کی فراہمی پیپلز پارٹی کے منشور کی اولین ترجیحات میں شامل ہیں ہمیں مل کر باہمی مشاورت اعتماد سازی سے انتخابی رنجشیں پس پشت ڈال کر نظریاتی فراخدلی کا مظاہرہ کرتے ہوئے ایک دوسرے کا جائز حق تسلیم کرنا ہے اتحادی حکومت کے وزیر اعظم چوہدری انوار الحق بہتر انداز سے طرز حکمرانی کو فروغ دینے کیلئے اصلاحات کا نفاذ کرنے میں مسلسل محنت کر رہے ہیں ان خیالات کا اظہار انھوں نے کوئٹہ،کوٹلی سے واپسی کے بعد اسمبلی سیکرٹریٹ میں اپنے آفس چمبر میں وزرائے کرام ممبرانِ اسمبلی سے ملاقاتوں میں بات چیت اور میڈیا سے گفتگو کر رہے تھے انھوں نے کہا کہ تمام حلقوں میں اتحادی جماعتوں کی پارلیمانی پارلیمانی پارٹی کو اعتماد میں لیکر یکساں فنڈز کی فراہمی سے عوام کی بنیادی ضروریات زندگی پر توجہ مرکوز کی جا رہی ہے سپیکر قانون ساز اسمبلی چوہدری لطیف اکبر نے کہا ہماری خلوص نیت سے کوشش ہے کہ وزیراعظم چوہدری انوارلحق کو بھرپور سیاسی عوامی انتظامی سطح پر توانا کیا جائے تاکہ وہ قومی ریاستی امور کو خوش اسلوبی سے پایہ تکمیل تک پہنچا سکیں دریں اثنا میڈیا سے گفتگو کرتے ہوئے چوہدری لطیف اکبر نے کہا کہ کوئٹہ کے عظیم الشان اجتماع میں پارٹی قیادت چئیرمن بلاول بھٹو زرداری سابق صدر پاکستان آصف علی زرداری نے میری صورت میں کشمیریوں کی نمائندگی دیکر ثابت کر دیا ہے کہ وہ قائد عوام شہید ذوالفقار علی بھٹو دختر مشرق محترمہ بینظیر بھٹو شھید کی کشمیری عوام سے عقیدت کو یاد رکھتے ہیں نظریاتی کارکنوں میں جوش و جذبہ پیدا ہوا ہے سیاسی مخالفین بھی معترف ہیں کہ پیپلزپارٹی اور اس کی قیادت اپنے وفادار پیروکارں کی عزت و تکریم کو ہر فورم پر مقدم رکھتی ہے ایک سوال کے جواب میں انہوں نے کہا اٹھ فروری کو پاکستان میں ہونے والے عام انتخابات میں پیپلز پارٹی کے نامزد امیدواران چاروں صوبوں سے سرپرائزنگ نتائج حاصل کریں گے عوام اب کاسمیٹکس کاروائیوں کو تسلیم نہیں کرے گی اس لئے صاف شفاف غیر جانبدار عام انتخابات وسیع تر مفادات کی خاطر ناگزیر ہو چکے ہیں سپیکر اسمبلی چوہدری لطیف اکبر نے کہا کہ تمام سیاسی جماعتوں کو بلا روک ٹوک انتخابی مہم چلانے کے مواقع مہیا کرنا الیکشن کمیشن آف پاکستان کی بنیادی ذمداری ہے صاف شفاف عام انتخابات اور پسند نا پسند کی پالیسیوں سے بالائے طاق مینڈیٹ میں قوم کی ترجیحات پیپلزپارٹی چیئرمین بلاول بھٹو زرداری کو دنیا کا کم عمر وزیر اعظم منتخب کروانا ہے انھوں نے کہا ہمیں اپنے مفادات اور سیاسی اختلافات پس پشت ڈال کر بھیپاکستان کی بہتری سلامتی پر توجہ اور اندرونی بیرونی سازشوں کو ناکام بنانا پڑے گا جس کیلئے ہماری قیادت افواج پاکستان قومی سلامتی کے اداروں اور نہتے پرامن عوام نے ان گنت قربانیاں پیش کیں ہیں چوہدری لطیف اکبر نے کہا کہ بھارتی وزیراعظم نریندر مودی نے مقبوضہ جموں کشمیر میں تحریک آزادی کشمیر کو کچلنے کیلئے نو لاکھ قابض افواج پیرا ملٹری فورسز اور کالے قوانین کا سہارا لے رہا ہے اسی طرح اسرائیل نے فلسطین میں انسانیت سوز سلوک کی تمام حدیں پھلانگ دی ہیں بھارت اور اسرائیل دونوں قابض دہشت گرد ممالک ہیں جنھوں نے جنیوا کنونشن سمیت تمام معاہدوں کو روند ڈالا ہے جسکی وجہ سے عالمی امن کو خطرہ لاحق ہو چکا ہے عالمی برادری فوری اپنا کلیدی کردار ادا کرے۔