Live Updates

شیر افضل مروت دیر کے حلقے میں گئے وہاں کتنے لوگ نکلے وہ پورے پاکستان نے دیکھے

اگر الیکشن کے دن اسی طرح کارکن نکل آئے تو ن لیگ ووٹ حاصل نہیں کرسکے گی، رہنما پی پی قادر مندوخیل کی گفتگو

دانش احمد انصاری جمعرات 7 دسمبر 2023 22:55

شیر افضل مروت دیر کے حلقے میں گئے وہاں کتنے لوگ نکلے وہ پورے پاکستان ..

کراچی ( اُردو پوائنٹ اخبارتازہ ترین ۔ 07 دسمبر 2023ء ) پاکستان پیپلزپارٹی کے سینئر رہنما قادر مندوخیل نے کہا ہے کہ شیر افضل مروت دیر کے حلقے میں گئے وہاں کتنے لوگ نکلے وہ پورے پاکستان نے دیکھے۔ انہوں نے نجی ٹی وی چینل آج نیوز کے پروگرام میں گفتگو کرتے ہوئے کہا کہ اگر الیکشن کے دن اسی طرح کارکن نکل آئے جس طرے دیر میں نکلے تو ن لیگ ووٹ حاصل نہیں کرسکے گی۔

انہوں نے مزید کہا کہ اگر پی ٹی آئی کا امیدوار نہ ہو تو وہ ن لیگ کے مخالف کو ووٹ دیں گے ان کو نہیں دیں گے۔ پاکستان پیپلز پارٹی کے رہنما قادر مندوخیل کا کہنا ہے کہ لکھ کر لے لیں نواز شریف نااہلی سے نہیں بچ سکتے، میں نہیں دیکھ رہا کہ نواز شریف الیکشن میں حصہ لے سکیں گے۔ انہوں نے مزید کہا کہ الیکشن کمیشن 16 دسمبر سے پہلے انتخابات کا شیڈول جاری کردے گا۔

(جاری ہے)

انہوں نے مزید کہا کہ نواز شریف نااہلی سے بچنے کیلئے ’سہارا لے رہے ہیں الیکشن رول 57 کے سیکشن ای کے تحت ہاں اس میں ترمیم کی گئی ہے کہ سزا پانچ سال ہونی چاہئیے، مگر دوسری طرف آئین کا آرٹیکل 62 اور 63 بڑا واضح ہے اور اس میں کوئی لمٹ نہیں لکھی ہوئی، اب ظاہر سی بات ہے کہ آءین زیادہ سپیرئیر ہے بنسبت الیکشن رولز کے، اب اس کا فیصلہ سپریم کورٹ کرے گا‘۔

انہوں نے کہا کہ اس سارے تناظر میں میں نہیں دیکھ رہا کہ نواز شریف الیکشن لڑ پائیں گے۔ انہوں نے کہا کہ ’مائنس ٹو (عمران خان اور نواز شریف الیکشن کیلئے نااہل) 100 فیصد ہوگا، یہ سمجھیں کہ کسی پلاننگ کی وجہ سے بلکہ ان کے اپنے کرتوت کی وجہ سے ہوگا‘۔ ایک سوال کے جواب میں قادر مندوخیل نے کہا کہ میاں صاحب سزا یافتہ ہیں اور جیل سے گئے تھے، زرداری اور فریال تالپور نے تو جیل بھگتی ہے۔

انہوں نے کہا کہ مان لیا نواز شریف کے ساتھ ناانصافی ہوئی ہے، اب اس طرح ان کو دودھ کا دھلا بنا کر پیش کرنا کہاں کا انصاف ہے؟ ایک اور سوال کے جواب میں ان کا کہنا تھا کہ یہ تو سب کو پتا ہے کہ تحریک عدم اعتماد اگر کسی نے پاس کرائی ہے، شہباز شریف کو پہلی اور آخری مرتبہ کسی نے وزیراعظم بنایا ہے تو پیپلز پارٹی نے، اور یہ آصف علی زرداری صاحب کا کمال تھا۔