ّ86 سالہ ظالمانہ سزا کے خلاف 22 ستمبر کو ڈی چوک ، اسلام آباد میں پرامن دھرنا دیا جائے گا

FMCکارسویل جیل میں نارواسلوک کا سلسلہ جاری ہے، مجھے اس جہنم سے نکالوڈاکٹر عافیہ کی وکیل سے اپیل ملک کے مختلف شہروں سے لوگ بڑی تعداد میں رابطہ کرکے دھرنے کے اعلان کا خیرمقدم اور شرکت کی یقین دہانی کرارہے ہیں ڈاکٹر عافیہ کے سپورٹرز گرمجوشی سے دھرنے کی تیاریوں میں مصروف ہیں،دینی، سیاسی و سماجی جماعتوں سے رابطے جاری ہیں م*ڈاکٹر عافیہ کی رہائی کے لیی2024کی طرح 2016میں بھی حکومت پاکستان کا ایک خط درکار تھا

بدھ 18 ستمبر 2024 20:20

ی*کراچی (اُردو پوائنٹ اخبارتازہ ترین - آن لائن۔ 18 ستمبر2024ء) عافیہ موومنٹ پاکستان کے ترجمان محمد ایوب نے کہا ہے کہ قوم کی بیٹی ڈاکٹر عافیہ کی 86 سالہ سزا کے خلاف اور اس ظالمانہ سزا کے خاتمہ کے لیے جاری عالمی جدوجہد کے سلسلے میں گلوبل عافیہ موومنٹ کی چیئرپرسن ڈاکٹر فوزیہ صدیقی کی قیادت میں 22 ستمبر، اتوار کو ڈی چوک ، اسلام آباد میں پرامن دھرنا دیا جائے گا۔

عافیہ موومنٹ میڈیا سیل سے جاری کردہ بیان میں انہوں نے کہا کہ 2016 ئ میں جب نواز شریف وزیراعظم تھے ڈاکٹر عافیہ کی رہائی کے لیے حکومت پاکستان کا ایک خط درکار تھا اور 8 سال کے بعد 2024 ئ میں جب کہ شہباز شریف وزیراعظم پاکستان ہیں ڈاکٹر عافیہ کی رہائی کے لیے حکومت پاکستان کاایک خط اب بھی درکار ہے۔ انہوں نے کہا کہ ڈاکٹر عافیہ کے سپورٹرز گرمجوشی سے دھرنے کی تیاریوں میں مصروف ہیں۔

(جاری ہے)

مختلف دینی، سیاسی،سماجی اور حقوق انسانی کی جماعتوں سے رابطہ کرنے پر ان کی جانب سے دھرنے کی حمایت اور شرکت کی یقین دہانی کرائی جارہی ہے۔ ملک کے مختلف شہروں سے لوگ بڑی تعداد میں رابطہ کرکے دھرنے کے اعلان کا خیرمقدم کررہے ہیں اور ساتھ ہی شرکت کی یقین دہانی بھی کرارہے ہیں۔ گزشتہ شب دھرنے کی تیاریوں کا جائزہ لینے کے حوالے سے اہم اجلاس ہوا۔

جس میں سابق سینیٹر مشتاق احمد خان، پاسبان ڈیموکریٹک پارٹی کے سینئر وائس چیئرمین اعظم منہاس، متحدہ طلبائ محاذ کے صدر عبید عباسی، مسلم اسٹوڈنٹس آرگنائزیشن کے ترجمان بلال ربانی،پی ٹی آئی یوتھ پنجاب کے رہنما شہباز بھٹی، جے یو آئی اسلام آباد کے رہنما سید علی شاہ، ٹی ایل پی اسلام آباد کے رہنما قاسم، آئی جے ٹی کالجز کے صدر حاشر عباسی، عافیہ موومنٹ اسلام آباد کے رہنما فاروق شاہ، ٹیم عافیہ اسلام آباد کے صدر حذیفہ ودیگر شریک ہوئے۔

واضح رہے کہ ڈاکٹر عافیہ کی رہائی کے لیے امریکہ میں معروف قانون دان اور انسانی حقوق کے رہنما سرگرم ہیں۔انہوں نے کہا کہ ڈی چوک پر دھرنا دینے کی ایک وجہ یہ بھی ہے کہ ایف ایم سی کارسویل جیل میں ڈاکٹر عافیہ کے ساتھ نارواسلوک کا سلسلہ جاری ہے۔ گزشتہ ہفتے ڈاکٹر عافیہ کے امریکی وکیل کلائیو اسٹفورڈ اسمتھ نے جمعرات اور جمعہ کے روز ان سے ملاقات کی۔دوران ملاقات ڈاکٹر عافیہ نے ایک مرتبہ پھر کہا کہ انہیں اس جہنم سے نکالا جائے۔#