وزیر اعلیٰ سندھ اور ان کی اہلیہ کی جانب سے اپنی صاحبزادی کی شادی کے موقع پر باغ جناح کی بارہ دری میں استقبالیہ کا اہتمام

پروقار تقریب میں اعلی سرکاری حکام، غیر ملکی سفارت کاروں سمیت زندگی کے تمام شعبوں سے تعلق رکھنے والی ممتاز شخصیات نے کثیر تعداد میں شرکت

جمعہ 10 جنوری 2025 20:30

کراچی(اُردو پوائنٹ اخبارتازہ ترین - این این آئی۔ 10 جنوری2025ء)وزیر اعلیٰ سندھ سید مراد علی شاہ اور ان کی اہلیہ نے اپنی صاحبزادی کی شادی کے موقع پر باغ جناح کی بارہ دری پر جمعہ کی شام ایک استقبالیہ کا اہتمام کیا اس پروقار تقریب میں اعلیٰ سرکاری حکام، غیر ملکی سفارت کاروں سمیت زندگی کے تمام شعبوں سے تعلق رکھنے والی ممتاز شخصیات نے کثیر تعداد میں شرکت کی ۔

تقریب کے شرکا کا خیرمقدم سندھ کابینہ کے ارکان نے خود کیا۔ تقریب کے ممتاز شرکا میں گورنر سندھ کامران ٹیسوری، مئیر کراچی مرتضیٰ وہاب ، سندھ اسمبلی کے اسپیکر اویس قادر شاہ ، سید خورشید احمد شاہ، سینیٹ کے چیئرمین یوسف رضا گیلانی ، سید قائم علی شاہ ، سندھ یونائٹیڈ پارٹی کے زین شاہ ،سابق نگراں وزیر اعلیٰ جسٹس ریٹا ئرڈ مقبول باقر،سینیٹر فیصل ووڈا، سابق گورنر عمران اسماعیل ، محمد زبیر،پروفیسر این ڈی خان، پیر مظہر الحق، بیرسٹر پیر مجیب، سردار سلیم جان مزاری ، سینیٹر امام الدین شوقین ، آغا سراج درانی ، سردار علی گوہر خان مہر، غوث بخش خان مہر، شہر یار مہر، گیان چند اسرانی ، عقیل کریم ڈیڈھی، مولاناکوکب نورانی اوکاڑوی، ایم کیو ایم کے ڈاکٹر محمد فاروق ستار ، جے یو آئی کے مولانا راشد محمود سومرو،سندھ اسمبلی میں قائد حزب اختلاف علی خورشیدی ، ایم این اے جاوید حنیف، محترمہ بلقیس مختار، میر منور تالپور، منظور حسین وسان ، سینیٹر وقار مہدی،سابق چیف سکریٹری سندھ رضوان میمن، سید ممتاز شاہ ، محمد جعفر عباسی، بیگم شازیہ جعفر عباسی،محمد مالک ، آرٹس کونسل کراچی کے صدر احمد شاہ ، حامد میر،کراچی پریس کلب کے صدر فاضل جمیلی،سیدہ شہلا رضا،میر منور تالپور،سید ظفر علی شاہ ،احسان علی ابڑو، ڈاکٹر سہراب سرکی،خاورجمیل جالبی، جامعہ کراچی کے وائس چانسلر ڈاکٹر خالد عراقی،شعیب صدیقی اوردیگر شخصیات شامل تھیں۔

(جاری ہے)