کینیڈا کا امریکی صدر کے ٹیرف بڑھانے کیخلاف جوابی اقدامات کا اعلان

برازیلین پارلیمینٹ نے ٹرمپ ٹیرف سے نمٹنے کیلئے قانون کی منظوری دیدی،امریکی وزیر خزانہ سکاٹ بیسینٹ نے ٹیرف پابندیوں کی زد میں آنے والے ممالک سے انتقامی کارروائی نہ کرنے کا مطالبہ کردیا

فیصل علوی جمعرات 3 اپریل 2025 14:03

کینیڈا کا امریکی صدر کے ٹیرف بڑھانے کیخلاف جوابی اقدامات کا اعلان

نیویارک(اردوپوائنٹ اخبار تازہ ترین۔03اپریل 2025)کینیڈا کے وزیراعظم مارک کارنے نے مریکی صدرڈونلڈٹرمپ کی جانب سے ٹیرف بڑھانے کیخلاف جوابی اقدامات کا اعلان کر دیا، امریکہ کے جوابی ٹیرف کو غیر ضروری اور خطرہ قرار دیتے ہوئے منسوخ کرنے کا مطالبہ کردیا،خبرایجنسی کے مطابق برازیلین پارلیمینٹ نے ٹرمپ ٹیرف سے نمٹنے کیلئے قانون کی منظوری دیدی ہے۔

دوسری جانب امریکی وزیر خزانہ سکاٹ بیسینٹ کا کہنا ہے کہ میرا ہر ملک کو مشورہ ہے کہ جوابی کارروائی نہ کریں کیونکہ امریکی ٹیرف کے خلاف جوابی کارروائی سے کشیدگی بڑھے گی،سکاٹ بیسینٹ نے دنیا کو خبردار کرتے ہوئے کہا کہ ٹیرف عائدکئے جانے کے خلاف تمام ممالک انتقامی کارروائی سے گریزکریں۔خیال رہے کہ اس سے قبل امریکی صدر ڈونلڈ ٹرمپ نے پاکستان سمیت دنیا کے کئی ممالک پر بھاری ٹیکس عائد کرنے کا اعلان کیاتھا۔

(جاری ہے)

امریکی صدر نے وائٹ ہاو¿س میںمنعقدہ تقریب میں یوم آزادی کے موقع پر یورپی یونین اور 46 ممالک پر نئے تجارتی محصولات کے نفاذ کا اعلان کیاتھا۔امریکی صدر نے پاکستان پر 29 فیصد جوابی ٹیرف لگانے کا اعلان کیا ان کاکہنا تھا کہ پاکستان ہم سے 58 فیصد ٹیرف چارج کرتا تھا۔ امریکہ بھارت پر 26، چین پر 34، یورپی یونین پر 20 فیصد ٹیرف عائد کرے گا۔ سعودی عرب، قطر اور افغانستان پر دس، دس فیصد ٹیرف عائد ہو گا۔

اس کے ساتھ ساتھ امریکی صدر ڈونلڈ ٹرمپ کایہ بھی کہنا تھا کہ بنگلا دیش پر37، جاپان پر 24، اسرائیل پر 17 اور برطانیہ پر 10 فیصد ٹیرف عائد کریں گے۔ گاڑیوں کی درآمد پر 25 فیصد اضافی ٹیکس عائد کریں گے۔امریکی صدر ٹرمپ نے وائٹ ہاوس میں جوابی ٹیرف کے ایگزیکٹو آرڈر پر دستخط کئے اور خطاب میں کہا کہ جوابی ٹیرف کا نفاذ امریکا کیلئے اچھا ہوگا۔ آج کا دن امریکی تاریخ کے اہم دنوں میں سے ایک ہے۔

امریکی صدر ٹرمپ نے کہا کہ ان اقدامات کے ذریعے امریکہ ایک نئے سنہری دور کا آغاز کرے گا اور اب وقت آگیا تھا کہ امریکہ کو اقتصادی طور پر خوشحال بنایا جائے۔ڈونلڈٹرمپ کا یہ بھی کہنا تھا کہ ان کا کہنا تھاکہ آج ہماری اقتصادی آزادی کا دن تھا۔ ٹیرف سے حاصل رقم اپنے قرضوں کی ادائیگی کیلئے استعمال کریں گے۔