Live Updates

پاکستان اور افغانستان میں بیک وقت جاری پولیو مہم کے دوران ملک میں پانچ روز میں 4 کروڑ 40 لاکھ بچوں کو پولیو کے قطرے پلائے گئے

ہفتہ 26 اپریل 2025 19:10

اسلام آباد (اُردو پوائنٹ اخبارتازہ ترین - اے پی پی۔ 26 اپریل2025ء) پاکستان اور افغانستان میں بیک وقت جاری پولیو مہم کے دوران ملک میں پانچ روز میں 4 کروڑ 40 لاکھ بچوں کو پولیو کے قطرے پلائے گئے ہیں۔این سی او سی سے جاری قومی پولیو مہم اپڈیٹ کے مطابق پنجاب اور سندھ میں 97 فیصد، خیبرپختونخوا اور بلوچستان میں 99 فیصد بچوں کی ویکسینیشن مکمل ہوگئی۔

(جاری ہے)

نیشنل ای او سی نے کہا کہ اسلام آباد میں 99 فیصد، آزاد کشمیر میں 100 فیصد، جبکہ گلگت بلتستان میں 99 فیصد بچوں کو پولیو کے قطرے پلائے جا چکے ہیں،27 اپریل تک مزید 10 لاکھ سے زائد بچوں کو پولیو سے بچاؤ کے قطرے پلائے جائیں گے۔نیشنل ای او سی نے والدین سے اپیل کی ہے کہ پولیو ورکرز کے ساتھ بھرپور تعاون کریں۔ نیشنل ای او سی نے کہا کہ پانچ سال سے کم عمر بچوں کو ہر مہم کے دوران پولیو کے قطرے لازمی پلوائیں،پولیو مہم کے دوران پولیو ٹیم سے رابطے کے لیے ابھی 1166 پر کال کریں یا پولیو واٹس ایپ ہیلپ لائن 03467776546 پر میسج کریں۔