Live Updates

بھارت عالمی دہشت گرد ، غیر ملکی میڈیا پہلگام ڈرامے کو مسترد کرچکا ہے‘گورنر پنجاب

دل کے علاج کے لئے گئے معصوم بچوں کو بغیر اپریشن واپس بھیجنابھارت کاغیر انسانی اقدام ہے‘سردار سلیم حیدر خان

منگل 29 اپریل 2025 19:15

لاہور (اُردو پوائنٹ اخبارتازہ ترین - این این آئی۔ 29 اپریل2025ء) گورنر پنجاب سردار سلیم حیدر خان نے کہا ہے کہ بھارت عالمی دہشت گرد ہے، غیر ملکی میڈیا پہلگام ڈرامے کو مسترد کرچکا ہے، بھارت کی اپنی ہی فوج نے پہلگام حملے کا بھانڈا پھوڑ دیا ہے، دل کے علاج کے لئے گئے معصوم بچوں کو بغیر اپریشن واپس بھیجنابھارت کاغیر انسانی اقدام ہے، اس کی پرزورمذمت کرتا ہوں۔

ان خیالات کا اظہار انہوں نے گورنر ہائوس لاہور میں مختلف وفود سے ملاقات کے دوران گفتگو کرتے ہوئے کیا۔ گورنر سردار سلیم حیدر خان نے کہا کہ پاک فوج کے سپہ سالار ملک کی حفاظت کرنا جانتے ہیں۔انہوں نے کہا کہ جنگ کی صورت میں بھارت کو بڑے نقصان کا سامنا کرنا پڑ سکتا ہے۔ گورنر پنجاب نے کہا کہ مودی نے سستی شہرت کے لئے بغیر کسی ثبوت پاکستان پر الزامات لگائے۔

(جاری ہے)

انہوں نے کہا کہ بھارتی حکومت عالمی میڈیا کی کوریج نہ ہونے پر بوکھلاہٹ کا شکار ہے۔گورنر پنجاب نے کہا کہ پاکستان اپنے ہمسایہ ممالک سے امن کا خواہاں ہے۔انہوں نے کہا کہ پیپلز پارٹی ملک کے دفاع کے لئے کسی بھی قربانی سے دریغ نہیں کرے گی۔ گورنرپنجاب نے مزید کہا کہ پاکستان کا بچہ بچہ ملک کی خاطر کٹ مرنے کو تیار ہے۔اس موقع پر وفد نے کہا کہ ملک کی خاطر اپنی پاک فوج کے شانہ بشانہ کھڑے ہیں۔