Live Updates

ی*جنگ کی صورت میں بھارت کو بھاری نقصان کا سامنا کرنا پڑ سکتا ہی: سردار سلیم حیدر خان

ئ*پاکستان اپنے پڑوسی ممالک کے ساتھ امن چاہتا ہے، گورنر پنجاب کی مختلف وفود سے گفتگو

منگل 29 اپریل 2025 21:05

Eلاہور (اُردو پوائنٹ اخبارتازہ ترین - آن لائن۔ 29 اپریل2025ء) گورنر پنجاب سردار سلیم حیدر خان نے کہا ہے کہ بھارت عالمی دہشت گرد ہے۔ غیر ملکی میڈیا نے پہلگام ڈرامے کو مسترد کر دیا ہے۔ بھارت کی اپنی فوج نے پہلگام حملے کو بے نقاب کر دیا ہے۔ دل کے علاج کے لئے گئے معصوم بچوں کو بغیر آپریشن کے واپس بھیجنا بھارت کا غیر انسانی اقدام ہے، میں اس کی شدید مذمت کرتا ہوں۔

ان خیالات کا اظہار انہوں نے گورنر ہاؤس لاہور میں مختلف وفود سے گفتگو کرتے ہوئے کیا۔ گورنر سردار سلیم حیدر خان نے کہا کہ پاک فوج کے کمانڈر ملک کی حفاظت کرنا جانتے ہیں۔ انہوں نے کہا کہ جنگ کی صورت میں بھارت کو بھاری نقصان کا سامنا کرنا پڑ سکتا ہے۔ گورنر پنجاب نے کہا کہ مودی نے سستی شہرت کے لیے بغیر کسی ثبوت کے پاکستان پر الزامات لگائے۔

(جاری ہے)

انہوں نے کہا کہ بین الاقوامی میڈیا کی جانب سے کوریج نہ ہونے کی وجہ سے بھارتی حکومت خوف و ہراس کا شکار ہے۔ گورنر پنجاب نے کہا کہ پاکستان اپنے پڑوسی ممالک کے ساتھ امن چاہتا ہے۔ انہوں نے کہا کہ پیپلز پارٹی ملک کے دفاع کے لئے کسی قربانی سے دریغ نہیں کرے گی۔ گورنر پنجاب نے مزید کہا کہ پاکستان کا ہر بچہ ملک کے لیے جان دینے کو تیار ہے۔ اس موقع پر وفد کا کہنا تھا کہ ملک کی خاطر پاک فوج کے شانہ بشانہ کھڑے ہیں۔