سینیٹر پروفیسر علامہ ساجدمیر کشمیرکاز پر ایک موثر آواز تھے،مشعال ملک

عبدالحکیم (اُردو پوائنٹ اخبارتازہ ترین - این این آئی۔ 07 مئی2025ء)چیئرمین پیس اینڈ کلچر اورکشمیری حریت پسند راہنما یسین ملک کی اہلیہ مشعال ملک کامرکز اہل حدیث راوی روڈ کا دورہ ، سینیٹر پروفیسر ساجد میر کی وفات پر اظہار تعزیت اور میڈیا سے گفتگو , مشعال ملک نے قائمقام امیر مولانا علی محمد ابوتراب ، علامہ معتصم الہی ظہیر ، سید عتیق الرحمن شاہ ، محمد علی یزدانی سے ملاقات کی امیر مرکزیہ سینیٹر پروفیسر حافظ علامہ ساجد میر کی ناگہانی وفات پر دِلی رنج ہوا ، علامہ پروفیسر ساجد میر کی دینی ، علمی اور پارلیمانی خدمات ناقابل فراموش ہیں مشعال ملک نے کہا کہ میں دکھ کی اِس گھڑی میں انکیخاندان کے غم میں برابر کی شریک ہوں اللہ تعالی انہیں اپنے جوار رحمت میں جگہ دے اور لواحقین کو صبر و ہمت سے یہ صدمہ برداشت کرنے کی توفیق عطا فرمائے مشعال ملک نے کہا کہ سینیٹر پروفیسر علامہ ساجدمیر کشمیرکاز پر ایک موثر آواز تھے جنہوں نے پارلیمنٹ ، رابطہ عالم اسلامی سمیت دنیا کے ہر فورم پر مضبوط مقدمہ پیش کیا اور دہشت گردی کے واقعات دنیا بھر میں ہوتے ہیں لیکن پہلگام واقعہ میں مودی سرکار نے ایک ایسا رپیٹ بٹن آن کیا ہے جس میں بھی یہ خود بنیفشیری خود ہوتے ہیں مشعال ملک نے کہا کہ سن دو ہزار میں مودی سرکار نے سکھوں کو ٹارگٹ کرکے سکھوں کی تحریک اور کشمیریوں کی تحریک کو کمزور کرنے کیلئے پاکستان کو بدنام کرنے کیلئے پاکستان پر الزام عائد کیا تھا- انڈیا نے یہ فالس فلیگ آپریشن کرکے خود اپنے ہی لوگوں کو بھی مارا جس میں ٹورسٹ اور کشمیر کے لوگ بھی شامل تھے انہوننے کہا کہ بہت ہی خوفناک قسم کا ایک سائیکل چل پڑا ہے جس کو یہ اپنے الیکشن جیتنے کیلئے استعمال کر تے ہیں۔

(جاری ہے)

یہ کھیل قابل مذمت ہے مشعال ملک نے کہا کہ اس واقع کے 10منٹ کے اندر فوری طور پر پاکستان پر الزام عائد کر دینا اور اسی پر فوری ایف آئی آردے کر کشمیری لوگوں اور پاکستان کو مورد الزام ٹھہرا کر جبری طور پر پاکستان پر ایک جنگ مسلط کر دینا بالکل غلط ہیاور یہ ہر بار اسی طرح کے فالس فلیگ آپریشن کر کے الزامات پاکستان پرلگاتے ہیں-بلوچستان سمیت پورے ملک میں ہر جگہ انڈیا دہشت گردی کر رہا ہے ر ایس ایس کا نظریہ پوری دنیا میں پھیلایا جا رہا ہے اسی نظریے کی وجہ سے میری والدہ بھی شہید ہوئی ہیں جس میں انہیں بھی زہر دے کر مارا گیا-کشمیری ہر وقت کفن باندھ کر انڈیا کے اس ظلم کے خلاف کھڑے ہیں جس میں تمام پاکستانی قوم اور فوج بھی ہمارے ساتھ شانہ بشانہ کھڑی ہے انڈیا کو ہماری اس خاموشی کو کمزوری ہرگز نہیں سمجھنا چاہیے ہم ایک مضبو ط دفاعی پوزیشن رکھتے ہیں عالمی طاقتوں سے یہی درخواست کروں گی کہ جنگ کا گیئر مودی کے ہاتھ میں نہیں ہونا چاہییہمارے سیاستدانوں کو بھی یہ چاہیے کہ وہ اقوام عالم کے سامنے ا ایک مضبوط موقف پیش کریں جسمیں مودی اور RSS کا نظریہ واضح طور پر اقوام عالم کے سامنے آئے اس سلسلہ میں چیف آف آرمی سٹاف ہر جگہ خود جا رہے ہیں ابھی تک حکومت پاکستان کی طرف سے کوئی جوائنٹ سیشن نہیں کیا گیا۔

مشعال ملک نے کہا کہ تمام جماعتوں کی آل پارٹیز کانفرنس ہونی چاہیے تمام سیاستدانوں کا ایک ہی بیانیہ دنیا کے سامنے آنا چاہیے سرحدوں پرپنے فوجی جوانوں کی حوصلہ افزائی کیلئے وزٹ کریں اور انڈیا کو بھی یہ پیغام دیں کہ ہم سب ہر قسم کا مقابلہ کرنے کیلئے تیار کھڑے ہیں انڈیا کی طرف سے پانی کی دہشت گردی اآغاز کیا ہے اسکے لئے بھی انٹرنیشنل پلیٹ فارمز پر بہت سٹرونگ قسم کی آواز اٹھانی چاہیے ۔