Live Updates

بھارتی پراپیگنڈے کو بے نقاب کرنے کیلئے سفارتی وفد بیرون ممالک بھیجنے کا فیصلہ، بلاول بھٹو زرداری قیادت کریں گے

اتوار 18 مئی 2025 01:10

لاہور (اُردو پوائنٹ اخبارتازہ ترین - اے پی پی۔ 18 مئی2025ء) وزیرِ اعظم محمد شہباز شریف نے بھارتی پراپیگنڈے اور مذموم سازشوں کو عالمی سطح پر بے نقاب کرنے کیلئے سفارتی وفد بیرون ممالک بھیجنے کا فیصلہ کیاہے۔ اس سلسلے میں وزیرِ اعظم نے ہفتہ کو چیئرمین پاکستان پیپلز پارٹی بلاول بھٹو زرداری کو ٹیلی فون کیا۔

(جاری ہے)

وزیراعظم آفس کی طرف سے جاری بیان کے مطابق وزیراعظم محمد شہباز شریف نے بھارتی پراپیگنڈے کو بے نقاب کرنے کیلئے تشکیل کردہ وفد کی قیادت چیئرمین بلاول بھٹو زرداری کو سونپ دی۔

ڈاکٹر مصدق ملک، انجنیئرخرم دستگیر، سینیٹر شیری رحمن، حنا ربانی کھر، فیصل سبزواری، تہمینہ جنجوعہ اور جلیل عباس جیلانی وفد میں شامل ہوں گے ۔ یہ وفد لندن، واشنگٹن، پیرس اور برسلز میں خطے میں بھارت کے پراپیگنڈے اور خطے کے امن کو تباہ کرنے کی کوششوں کو بے نقاب کرے گا۔ وفد پاکستان کی خطے میں امن قائم رکھنے کیلئے کوششوں کو اجاگر کرے گا۔