Live Updates

سینیٹر شیری رحمان کا بھارتی جھوٹے بیانیے کو عالمی سطح پر بے نقاب کرنے کیلئے وزیراعظم کی جانب سے بنائی گئی کمیٹی کا خیر مقدم

موجودہ مشکل وقت میں عالمی سفارتکاری کے لیے چیئرمین پیپلز پارٹی بلاول بھٹو زرداری بہترین چوائس ہیں، نائب صدر پیپلزپارٹی

پیر 19 مئی 2025 17:18

سینیٹر شیری رحمان کا بھارتی جھوٹے بیانیے کو عالمی سطح پر بے نقاب کرنے ..

اسلام آباد (اُردو پوائنٹ اخبارتازہ ترین - این این آئی۔ 19 مئی2025ء)نائب صدر پیپلزپارٹی سینیٹر شیری رحمان نے بھارتی جھوٹے بیانیے کو عالمی سطح پر بے نقاب کرنے کیلئے وزیراعظم کی جانب سے بنائی گئی کمیٹی کا خیر مقدم کرتے ہوئے کہا ہے کہ موجودہ مشکل وقت میں عالمی سفارتکاری کے لیے چیئرمین پیپلز پارٹی بلاول بھٹو زرداری بہترین چوائس ہیں۔ اپنے بیان میں شیری رحمن نے کہاکہ سفارتی محاذ پر بلاول بھٹو کی حکمت عملی نئی تاریخ رقم کر رہی ہے، بلاول بھٹو کا لہجہ، دلیل اور وقار دشمن کو بھی سوچنے پر مجبور کر دیتا ہے۔

(جاری ہے)

انہوںنے کہاکہ بھارت کا سات ٹیمیں بھیجنا بلاول بھٹو کی خارجہ پالیسی کی کامیابی کا ثبوت ہے۔ شیری رحمن نے کہاکہ وزیراعظم کا شکریہ جنہوں نے بلاول بھٹو زرداری اور کمیٹی میں شامل دیگر ناموں پر اعتماد کیا۔ شیری رحمن نے کہاکہ سفارت کاری کی جنگ میں بلاول بھٹو زرداری بھارت کا جھوٹا بیانیہ زمین بوس کریں گے۔ شیری رحمن نے کہاکہ بلاول بھٹو زرداری کی قیادت میں تشکیل دی گئی کمیٹی سفارتی محاذ پر بھارت کو منہ توڑ جواب دینے کیلئے مکمل تیار ہے۔ شیری رحمن نے کہاکہ بلاول بھٹو زرداری کی زیرنگرانی قائم کمیٹی بیانیے کی جنگ میں پاکستان کو فاتح بنائے گی۔